စိတ်ရှည်တတ်တဲ့ သားသားမီးမီးလေးတွေဖြစ်လာအောင် ဘယ်လိုသင်ကြားပေးမလဲ

by: Nang Htwe
 0 comments  1 love

တကူးတက သင်ပေးစရာတော့ မလိုပါဘူး။ နေ့တိုင်း မသိမသာလေး လေ့ကျင့်ပေးသွားလို့ ရပါတယ်

စိတ်ရှည်သည်းခံခြင်းဟာ သားသားမီးမီးလေးတွေရဲ့ ဘဝမှာ အထောက်အပြုနိုင်တဲ့ အကျင့်ကောင်းလေးဖြစ်ပါတယ်။ စိတ်ရှည်သည်းခံတတ်တဲ့အကျင့်ကောင်းလေး သားသားမီးမီးလေးတွေ ဆီမှာ ရှိလာဖို့ဆိုတာ ငယ်စဉ်ကတည်းက လေ့ကျင့်သင်ကြားပေးထားဖို့ အရေးကြီးပါတယ်။ တကူးတက သင်ပေးစရာတော့ မလိုပါဘူး။ နေ့တိုင်း မသိမသာလေး လေ့ကျင့်ပေးသွားလို့ ရပါတယ်။

Image result for Ways and Activities to Teach Children Patience

စိတ်ရှည်သည်းခံတတ်တဲ့အကျင့်ကောင်းလေး သားသားမီးမီးလေးတွေ ဆီမှာ ရှိလာဖို့ဆိုတာ ငယ်စဉ်ကတည်းက လေ့ကျင့်သင်ကြားပေးထားဖို့ အရေးကြီးပါတယ် (Photo by Entrepreneur)

(၁) နေ့စဉ်လေ့ကျင့်ခန်း

မနက်ခင်း အချိန်မှန်မှန် အိပ်ယာထတာ၊ မနက်စာမှန်မှန်စားတာ၊ မျက်နှာမှန်မှန်သစ်တာ၊ သွားမှန်မှန်တိုကတာ စတဲ့အလေ့အကျင့်လေးတွေကို နေ့တိုင်းအချိန်မှန်မှန်ပြုလုပ်နိုင်ဖို့ တိုက်တွန်းပါ။

(၂) အသေးအမွှားများ

အသေးအမွှားကိစ္စလေးတွေကို ကလေးငယ်အား ဖြေရှင်းခိုင်းပါ။ အသေးအမွှားလေးတွေကြောင့် ကလေးငယ် တဖြည်းဖြည်းစိတ်ရှည်လာစေပါတယ်။

(၃) မှန်ကန်တဲ့ ရွေးချယ်ခြင်း

ကလေးငယ်က မှန်ကန်တဲ့အပြုအမူတစ်ခုပြုလုပ်လိုက်တဲ့အခါ မေမေတို့က ချီးကျူးပါ။ မေမေတို့က ဆူငေါက်တာတွေ၊ ဆူဆဲတာတွေ မကြာခဏ ပြုလုပ်နေမယ်ဆိုရင် ကလေးငယ်က ကြာလာတဲ့အခါ စိတ်မရှည်တော့ပါဘူး။

(၄) စိတ်ခံစားချက်

ကလေးငယ်ရဲ့ စိတ်ခံစားချက်ကို သေသေချာချာနားထောင်ပေးဖို့လိုအပ်ပါတယ်။ သူတို့လေးတွေရဲ့ ခံစားချက်ကို နားထောင်ပေးတာက ကလေးငယ်ရဲ့စိတ်ခံစားချက်တွေ ကောင်းမွန်လာစေပါတယ်။

(၅) ဆန္ဒ

ကလေးငယ်ရဲ့ စိတ်ဆန္ဒကို အကောင်အထည်ဖော်ပေးဖို့ လိုအပ်ပါတယ်။ မေမေတို့ဖြစ်ချင်တာချည်းချည်းပဲ လုပ်ခိုင်းနေမယ်ဆိုရင် အချိန်ကြာလာတဲ့အခါ ကလေးငယ်က စိတ်မရှည်တော့ပါဘူး။

Image result for Ways and Activities to Teach Children Patience

မနက်ခင်း အချိန်မှန်မှန် အိပ်ယာထတာ၊ မနက်စာမှန်မှန်စားတာ၊ မျက်နှာမှန်မှန်သစ်တာ၊ သွားမှန်မှန်တိုကတာ စတဲ့အလေ့အကျင့်လေးတွေကို နေ့တိုင်းအချိန်မှန်မှန်ပြုလုပ်နိုင်ဖို့ တိုက်တွန်းပါ (Photo by Today’s Parent)

(၆) အချိန်ကပ်ပြီးလုပ်ခြင်း

အလုပ်တစ်ခုခုကို အချိန်ကပ်ပြီးလုပ်တာကို တာမြစ်ပါ။ ဥပမာ ကျောင်းသွားခါနီးမှ အိပ်ယာထတာမျိုးကို တားမြစ်ပါ။ ကြိုတင်စီမံတတ်ဖို့ သင်ကြားပေးပါ။

(၇) စောင့်ဆိုင်းရခြင်း

စောင့်ဆိုင်းရတဲ့ နေရာတစ်ခုခုဆီ ကလေးငယ်ကို ခေါ်သွားမယ်ဆိုရင် စာအုပ်ဖတ်တဲ့အကျင့်ပြုလုပ်ပေးထားပါ။ ဒါဆို အချိန်ကို အကျိုးရှိရှိအသုံးပြုနိုင်ပြီး စိတ်ရှည်တတ်လာပါတယ်။

(၈) အသိအမှတ်ပြု

ကလေးငယ်ရဲ့ ကောင်းတဲ့အပြုအမူတွေကို အသိအမှတ်ပြုပေးဖို့ လိုအပ်ပါတယ်။ အသိအမှတ်မပြုခံရတဲ့ ကလေးငယ်တွေဟာ စိတ်တိုလွယ်တာကို တွေ့ရပါတယ်။

(၉) ကစားခြင်း

စိတ်ရှည်ရှည်ကစားရတဲ့ ကစားနည်းတွေကို ကလေးငယ်တွေ ကြိုက်နှစ်သက်အောင် ဆော့ကစားခိုင်းပါ။

(၁၀) ဂိမ်း

သူငယ်ချင်းတွေနဲ့ အတူတူဆော့ကစားရတဲ့ ဂိမ်းတွေ ဒါမှမဟုတ် အလှည့်ကျကစားရတဲ့ ဂိမ်းတွေကို ဆော့ကစားခိုင်းပါ။

သားသားမီးမီးလေးတွေကို စိတ်ရှည်သည်းခံတတ်အောင် သင်ကြားပေးဖို့ Kalay ကနေ ပြောပြပေးလိုက်ပါတယ်။

From Kalay with


Comments

0 comments
Latest video
Refer to more useful articles
x