သားသားမီးမီးလေးတွေကို ဘယ်အချိန်မှာ ကျောင်းစထားရမလဲ

by: Nang Htwe
 0 comments  0 love

သားသားမီးမီးလေးတို့ကို ကျောင်း သို့မဟုတ် မူကြိုထားပေးတာက ရုပ်ပိုင်းဆိုင်ရာ၊ စိတ်ပိုင်းဆိုင်ရာနဲ့ ပေါင်းသင်းဆက်ဆံရေးတွေ တိုးတက်လာစေပါတယ်။

သားသားမီးမီးလေးတွေကို ကျောင်းသို့မဟုတ် မူကြိုစထားဖို့ အဆင်သင့်ဖြစ်နေပြီလား။ ဘယ်အသက်အရွယ်မှာ ကျောင်းစထားဖို့ အကောင်းဆုံးလဲ။ အသက်(၂)နှစ်ခွဲကနေ (၄)နှစ်အတွင်းမှာ ကျောင်းစထားလို့ရပါပြီ။ ကျောင်းစထားဖို့ အကောင်းဆုံးအရွယ်ကတော့ (၃)နှစ်နဲ့ အထက်ပါ။  အသက်(၃)နှစ်အထက်မှာ ကျောင်း သို့မဟုတ် မူကြိုစထားပေးတာက ဖွံ့ဖြိုးတိုးတက်မှုတွေကို ပိုပြီးအထောက်အကူပြုပါတယ်။ စာသင်ခန်းကနေ ရုပ်ပိုင်းဆိုင်ရာ၊ စိတ်ပိုင်းဆိုင်ရာနဲ့ ပေါင်းသင်းဆက်ဆံရေးတွေ တိုးတက်လာစေပါတယ်။ ဘယ်အချိန်တွေမှာ သားသားမီးမီးလေးတွေကို ကျောင်း သို့မဟုတ် မူကြိုစထားမယ်ဆိုတာကတော့ မေမေဖေဖေတို့ရဲ့ ဆုံးဖြတ်ချက်အပေါ်မှာပဲ မူတည်နေပါတယ်။

စာသင်ခန်းကနေ ရုပ်ပိုင်းဆိုင်ရာ၊ စိတ်ပိုင်းဆိုင်ရာနဲ့ ပေါင်းသင်းဆက်ဆံရေးတွေ တိုးတက်လာစေပါတယ် (Photo by LePort Schools)

မူကြို သို့မဟုတ် ကျောင်းထားပေးခြင်းရဲ့ အကျိုးကျေးဇူးများ

ပေါင်းသင်းဆက်ဆံရေး တိုးတက်လာခြင်း

ကျောင်းကနေ သူငယ်ချင်းတွေနဲ့ အတူတူဆော့ကစားလာနိုင်ပြီး အဖွဲ့လိုက်လှုပ်ရှားမှုတွေ ပြုလုပ်နိုင်လာပါတယ်။ အသက်(၃)နှစ်မှာ ပေါင်းသင်းဆက်ဆံရေး တိုးတက်မှု နှေးကွေးနေတယ်ဆိုရင် သားသားမီးမီးလေးတွေကို မူကြို သို့မဟုတ် ကျောင်းထားပေးပါ။

သင်ယူနိုင်စွမ်းတွေလည်း တိုးတက်လာပါတယ် (Photo by montessori)

ရုပ်ပိုင်းဆိုင်ရာ တိုးတက်လာခြင်း

မူကြို သို့မဟုတ် ကျောင်းစထားပေးတာက ရုပ်ပိုင်းဆိုင်ရာဖွံ့ဖြိုးတိုးတက်မှုတွေ ရရှိစေပါတယ်။ မေမေဖေဖေတို့အပေါ် မှီခိုတာတွေ လျော့နည်းသွားပြီး ကိုယ်တိုင်ဆောင်ရွက်ချင်စိတ်တွေ တိုးလာစေပါတယ်။ ကစားစရာပစ္စည်းတွေနဲ့ စာရေးကိရိယာပစ္စည်းတွေ ကိုင်တွယ်တာကျွမ်းကျင်လာပါတယ်။ ကဗျာ၊ သီချင်းနဲ့ ပုံပြင်လေးတွေကိုလည်း ပိုပြီး စိတ်ဝင်စားလာစေပါတယ်။ သင်ယူနိုင်စွမ်းတွေလည်း တိုးတက်လာပါတယ်။

စ်ိတ်ပိုင်းဆိုင်ရာ တိုးတက်လာခြင်း

သားသားမီးမီးလေးတို့အတွက်တော့ မူကြို သို့မဟုတ် ကျောင်းက စိန်ခေါ်မှုတစ်ခုပါ။ သူငယ်ချင်းအသစ်တွေနဲ့ စတင်တွေ့ဆုံရတာ၊ ကဗျာ၊ သီချင်းတွေနဲ့ ပုံပြင်တွေကို မကြာခဏ ထိတွေ့နေတာက သားသားမီးမီးလေးတွေကို စိတ်ပိုင်းဆိုင်ရာ တိုးတက်မှုတွေရရှိစေပါတယ်။ အပြောင်းအလဲတွေကြောင့် သားသားမီးမီးလေးတွေမှာ အခက်အခဲတွေကြုံတွေ့ရပြီး အချိန်ကြာလာတဲ့အခါမှာတော့ နေသားကျလာပါတယ်။ ဒါကြောင့် သားသားမီးမီးလေးတွေကို ဖိအားမပေးဖို့ အရေးကြီးပါတယ်။

သားသားမီးမီးလေးတွေက တစ်ယောက်နဲ့ တစ်ယောက် ဖွံ့ဖြိုးတိုးတက်တာခြင်း မတူညီကြပါဘူး။ ဖွံ့ဖြိုးမှု အားနည်းတဲ့ သားသားမီးမီးလေးတွေကို  မူကြိုထားလိုက်တဲ့အခါမှာ ပတ်ဝန်းကျင်နဲ့ ပေါင်းသင်းဆက်ဆံရေး တိုးတက်လာနိုင်ကြောင်းကို Kalay ကနေ ပြောပြပေးလိုက်ပါတယ်။

 

From Kalay with


Comments

0 comments
Latest video