မေမေကလေးလေး သူများကလေးတွေနဲ့ အလွယ်တကူရင်းနှီးစေဖို့

by: Nang Htwe
 0 comments  0 love

သူငယ်ချင်းက အရေးပါတဲ့ နေရာကနေ ပါဝင်နေတာမို့ သူငယ်ချင်းတွေရရှိဖို့ မေမေတို့ အကူအညီပေးသင့်ပါတယ်နော်

ကလေးငယ်ရဲ့ စိတ်ပိုင်းဆိုင်ရာ ဖွံ့ဖြိုးတိုးတက်မှုအတွက် သူငယ်ချင်း၊ မိတ်ဆွေနဲ့ အပေါင်းအသင်းတွေ မရှိမဖြစ် လိုအပ်ပါတယ်။ အသက်(၃)နှစ်ခွဲကနေ (၄)နှစ်မှာ သူငယ်ချင်းတွေကို စတင်တွေ့ကြုံရပါတယ်။ သူငယ်ချင်းတွေနဲ့ စတင်တွေ့ဆုံတဲ့အခါ ပေါင်းသင်းဆက်ဆံရေးအစမှာ စိတ်ရှုပ်ထွေးတာတွေ ကြုံတွေ့နိုင်ပါတယ်။ ဒါကြောင့် ကလေးငယ်တွေ ဒီလိုအခက်အခဲကြုံတွေ့ချိန်မှာ သူငယ်ချင်းတွေနဲ့ အလွယ်တကူရင်းနှီးနိုင်ဖို့ မေမေတို့ဘက်က အကူအညီတွေ ပေးရပါမယ်။

ကလေးငယ်ရဲ့ စိတ်ပိုင်းဆိုင်ရာ ဖွံ့ဖြိုးတိုးတက်မှုအတွက် သူငယ်ချင်း၊ မိတ်ဆွေနဲ့ အပေါင်းအသင်းတွေ မရှိမဖြစ် လိုအပ်ပါတယ် (Photo by 祝吉どんぐり児童クラブ)

(၁) စိုးရိမ်စိတ်

သူငယ်ချင်းတွေနဲ့ တွေ့ဆုံတဲ့အခါ ကလေးငယ်မှာ စိုးရိမ်စိတ် တွေ ကြုံရပါတယ်။ သူငယ်ချင်းနဲ့ ရေရှည်ခင်မင်အောင် ဘယ်လိုပေါင်းသင်းရမယ်ဆိုတာ ကလေးငယ်အတွက် စိန်ခေါ်မှုတစ်ခုပါ။ ဟိုဘက်ကလေးငယ်က ခပ်ဆိုးဆိုး ဒါမှမဟုတ် ဂျစ်ကန်ကန်တစ်ယောက်ဆိုရင် မေမေ့ကလေးလေးမှာ ပိုပြီးတောင် အခက်အခဲတွေ ရှိလာနိုင်ပါတယ်။ ဒီအချိန်မှာ မေမေတို့က အဆင်ပြေအောင် အကြံဥာဏ်တွေပေးရပါမယ်။ ကလေးငယ်ကိုလည်း သူငယ်ချင်းနဲ့ ပတ်သက်ပြီး ဘာအခက်အခဲတွေ ကြုံတွေ့နေရတယ်ဆိုတာကို မေးဖို့ လိုအပ်ပါတယ်။

(၂) ငြင်းပယ်ခြင်း

တခြားကလေးငယ်တွေက မေမေကလေးလေးကို သူငယ်ချင်းအဖြစ် ငြင်းပယ်တာတွေ ကြုံရပါလိမ့်မယ်။ ဒီလို ကြုံတွေ့ရချိန်မှာ ကလေးငယ်က အနည်းငယ် လန့်သွားပါလိမ့်မယ်။ နောက်သူငယ်ချင်းအသစ် မပေါင်းရဲ့တာနဲ့ မဖွဲ့ရဲတာတွေ ကြုံလာရပါတယ်။ ဒီလိုအချိန်မှာ မေမေတို့က ကလေးငယ်ကို သူငယ်ချင်းအသစ် ထပ်မံဖွဲ့ဖို့ တိုက်တွန်းဖို့လိုအပ်ပါတယ်။

(၃) ပြဿနာ

မိဘနဲ့ မကြာခဏ ပြဿနာဖြစ်တဲ့ ကလေးငယ်တွေမှာလည်း သူငယ်ချင်းအပေါင်းအသင်း နည်းနိုင်ပါတယ်။ ကလေးငယ်မှာ ပြဿနာတွေရှိခဲ့ရင် မေမေတို့အနေနဲ့ ဆရာ၊ ဆရာမ တို့နဲ့ ဆွေးနွေးတိုင်ပင်သင့်ပါတယ်။

ကလေးငယ်ကို သူငယ်ချင်းတွေနဲ့ အချိန်တိုတွင်း ရင်းရင်းနှီးနှီးဖြစ်အောင် လေ့ကျင့်ပေးလို့ရပါတယ် (Photo by jianshu)

(၄) မေးမြန်းပါ

ကလေးငယ်မှာ သူငယ်ချင်းရှိမရှိ မေမေတို့ စုံစမ်းရပါမယ်။ ကျောင်းထမင်းစားချိန်မှာ တစ်ယောက်ထဲ စားတာမျိုး မကြာခဏ ဖြစ်နေတယ်ဆိုရင် ကလေးငယ်မှာ သူငယ်ချင်း နည်းနေတာ သေချာနေပါပြီ။ ကျောင်းမှာ ရွယ်တူချင်း မကြာခဏ အနိုင်ကျင့်ခံရတယ်ဆိုရင် ကလေးငယ်မှာ သူငယ်ချင်းအပေါင်းအသင်းထားဖို့ အခက်အခဲတွေ ရှိနေပါတယ်။

(၅) လေ့ကျင့်ပေးပါ

ကလေးငယ်ကို သူငယ်ချင်းတွေနဲ့ အချိန်တိုတွင်း ရင်းရင်းနှီးနှီးဖြစ်အောင် လေ့ကျင့်ပေးလို့ရပါတယ်။ လမ်းမှာတွေ့တဲ့အခါ ပြုံပြခိုင်းတာ၊ စကားပြောခိုင်းတာ၊ ကစားစရာတွေကို အတူတူဆော့ခိုင်းတာနဲ့ မုန့်ကျွေးခိုင်းတာမျိုး ပြုလုပ်နိုင်ပါတယ်။

(၆) လှုပ်ရှားမှုများ

ကျောင်းကနေ ဦးစီးကျင်းပတဲ့ ပြပွဲ၊ ပြိုင်ပွဲနဲ့ ကစားပွဲတွေမှာ ကလေးငယ်ပါဝင်ဖို့ မေမေတို့ တိုက်တွန်းသင့်ပါတယ်။ ဒီလိုပွဲတွေကနေ ကလေးငယ်အတွက် သူငယ်ချင်းတွေ ရရှိလာနိုင်ပါတယ်။

ကလေးငယ်တွေ ကျောင်းတတ်တဲ့အခါ သူငယ်ချင်းက အရေးပါတဲ့ နေရာကနေ ပါဝင်နေတာမို့ သူငယ်ချင်းတွေရရှိဖို့ မေမေတို့ အကူအညီပေးသင့်ကြောင်း Kalay ကနေ ပြောပြပေးလိုက်ပါတယ်။

 

 

 

 

 

 

From Kalay with

Tag: helpKidsmake friends

Comments

0 comments
Latest video