အသက်(၃)နှစ်အရွယ် သားသားမီးမီးလေးတွေ ဖွံ့ဖြိုးကြီးထွားဖို့

by: Nang Htwe
 0 comments  1 love

ဗီတာမင်အေ၊ ဖောလစ်အက်စစ်နဲ့ ဇင့်ဓာတ်ပါဝင်တဲ့ အစားအစာတွေက သားသားမီးမီးလေးတို့ ဖွံ့ဖြိုးတိုးတက်မှုတွေအတွက် အထောက်အကူပြုပါတယ်။

မေမေဖေဖေတို့ရဲ့ သားသားမီးမီးလေးတွေ အသက်(၃)နှစ်ရောက်လာပြီဆိုတော့ မူကြိုကျောင်းစထားဖို့ အချိန်ရောက်လာပါပြီ။ မူကြိုကျောင်းတက်ရတော့မယ့် သားသားမီးမီးလေးတွေအတွက် အစားအစာတွေနဲ့ အားဆေးတွေကို မေမေဖေဖေတို့ စီမံပေးဖို့လိုပါတယ်။ မေမေဖေဖေတို့အနေနဲ့ အသက်(၃)နှစ်အရွယ်သားသားမီးမီးလေးတွေကို ကျန်းမာရေးတဲ့ ကောင်းမွန်စေတဲ့ အစားအစာတွေကို လုံလုံလောက်လောက်ကျွေးမယ်ဆိုရင် အကူဖြစ်တဲ့ အားဆေးတွေတိုက်စရာမလိုပါဘူး။

မူကြိုကျောင်းတက်ရတော့မယ့် သားသားမီးမီးလေးတွေအတွက် အစားအစာတွေနဲ့ အားဆေးတွေကို မေမေဖေဖေတို့ စီမံပေးဖို့လိုပါတယ် (Photo by draanaescobar)

ဗီတာမင်ဓာတ်တွေ ပြည့်စုံအောင်

ဗီတာမင်အေ၊ ဖောလစ်အက်စစ်နဲ့ ဇင့်ဓာတ်ပါဝင်တဲ့ အစားအစာတွေက သားသားမီးမီးလေးတို့ ဖွံ့ဖြိုးတိုးတက်မှုတွေအတွက် အထောက်အကူပြုပါတယ်။ သားသားမီးမီလေးတွေကို အစားအစာမျိုးစုံကျွေးပေးတာက သူတို့လေးတွေအတွက်လိုအပ်တဲ့ ဗီတာမင်ဓာတ်တွေ ပြည့်စုံစေပါတယ်။ အာဟာရပြည့်ပြည့်ဝဝမရတဲ့ သားသားမီးမီးလေးတွေ ကျောင်းတက်တဲ့အခါမှာ သင်ယူနိုင်စွမ်းလျော့နည်းတာကို တွေ့ရပါတယ်။ မွေးကင်းစအချိန်ကစပြီး အရွယ်ရောက်လာတဲ့အထိ သားသားမီးမီးလေးတွေကို အာဟာရပြည့်ဝအောင် ကျွေးဖို့လိုပါတယ်။ သားသားမီးမီးလေးတို့ကို နေ့စဉ် နို့နဲ့နို့ထွက်ပစ္စည်း၊ အစိမ်းရောင်ဟင်းသီးဟင်းရွက်၊ အသီးအနှံ၊ အစေ့အဆန်၊ အသားငါးနဲ့ အမျှင်ဓာတ်ပါဝင်တဲ့ အစားအစာတွေကို နေ့တိုင်းကျွေးဖို့လိုပါတယ်။

သားသားမီးမီးလေးတွေ ဥာဏ်ရည်ထက်မြက်လာဖို့ အာဟာရပြည့်တဲ့ အစားအစာတွေကို ကျွေးပေးပါ (Photo by novak djokovic foundation)

ရှောင်ရှားပေးရမယ့် အစားအစာများ

အသင့်ဝယ်စားနိုင်တဲ့ အလွယ်စာတွေ၊ အဆီပါဝင်မှုများတဲ့ အစားအစာတွေနဲ့ အာဟာရမပါဝင်တဲ့ အစားအစာတွေကို ရှောင်ရှားပေးပါ။ အဲဒီအစားအစာတွေက သားသားမီးမီးလေးတွေရဲ့ ဖွံ့ဖြိုးကြီးထွားမှုကို အနှောင့်အယှက်ပေးပါတယ်။ အဝလွန်တာတွေနဲ့ ကျန်းမာရေးကို ထိခိုက်စေပါတယ်။ သားသားမီးမီလေးတွေအတွက် အစားအစာတွေကို ပုံစံတူနေတိုင်းကျွေးတာမျိုးမပြုလုပ်ပါနဲ့။ စားချင်စားဖွယ်ဖြစ်အောင် ပုံစံအမျိုးမျိုးပြင်ဆင်ပေးဖို့လိုပါတယ်။

သားသားမီးမီးလေးတွေ ကြိုက်တဲ့အသီးအနှံ

မေမေဖေဖေတို့ မေ့မထားရမှာက အသီးအနှံတွေကိုလည်း နေ့စဉ်ကျွေးပေးဖို့လိုပါတယ်။ သားသားမီးမီးလေးတွေကြိုက်တဲ့ အသီးအနှံတွေကို များများကျွေးပေးပါ။ အာဟာရမပြည့်ဝတဲ့ အပြင်သရေစာတွေအစား အသီးအနှံတွေကို အစားထိုးကျွေးလို့ရပါတယ်။ လိမ္မော်သီး၊ စပျစ်သီး၊ စတော်ဘယ်ရီသီး၊ ဘလူးဘယ်ရီသီး၊ မက်မွန်သီး၊ ပန်းသီးတို့က သားသားမီးမီးလေးတွေကြိုက်တဲ့ အသီးအနှံတွေပါ။ သားသားမီးမီးလေးတွေကို လတ်ဆက်တဲ့ အသီးအနှံတွေ ကျွေးပေးပါ။

လတ်ဆတ်တဲ့ အသီးအနှံတွေမှာ သားသားမီးမီးလေးတွေအတွက်လိုအပ်တဲ့ ဗီတာမင်နဲ့ အာဟာရဓာတ်တွေပါဝင်ပါတယ်။ မူကြိုထားတော့မယ် သားသားမီမီးလေးတွေအတွက် အာဟာရပြည့်ဝတဲ့ အစားအစာတွေကို မေမေဖေဖေတို့စီစဉ်ပေးမှသာ ဖွံ့ဖြိုးကြီးထွားပြီး ဥာဏ်ရည်ထက်မြက်လာမှာဖြစ်ကြောင်းကို Kalay ကနေ ပြောပြပေးလိုက်ပါတယ်။

 

From Kalay with


Comments

0 comments
Latest video