ဖေဖေနဲ့မေမေ ရန်ဖြစ်တာရဲ့ အကောင်း၊ အဆိုးများ

by: Nang Htwe
 0 comments  0 love

ရန်ဖြစ်တယ်ဆိုကတည်းက မေမေနဲ့ဖေဖေကြားမှာ ကောင်းတဲ့ relationship တစ်ခုရှိနေလို့ပါ

“လင်နဲ့မယားလျှာနဲ့သွား” ဆိုတဲ့အတိုင်း မေမေဖေဖေတို့ ရံဖန်ရံခါ ကတောက်တဆလေးတွေဖြစ်ကြပြီး ရန်ဖြစ်ပါတယ်။ သူစိမ်းနှစ်ယောက်ပေါင်းစပ်ပြီး မိသားစုတစ်ခု ထူထောင်ထားတာကြောင့်လည်း အတွေးအခေါ်၊ အယူအဆတွေ အမြဲတမ်းတူနိုင်မှာမဟုတ်ပါဘူး။ တခါတရံမှာ တဖက်သက်အတွေးတွေ ခေါင်းမာတာကြောင့် အေးအေးဆေးဆေး ဆွေးနွေးညှို့နှိုင်းလို့ မဖြစ်တဲ့အခါ ရန်ဖြစ်ကြပါတယ်။ ရန်ဖြစ်တာ အဆိုးသီးသန့်လို့ သတ်မှတ်လို့မရပါဘူး။ အဆိုးဘက်လည်းရှိသလို အကောင်းဘက်လည်းရှိပါတယ်။

Image result for asian couple angry

သူစိမ်းနှစ်ယောက်ပေါင်းစပ်ပြီး မိသားစုတစ်ခု ထူထောင်ထားတာကြောင့်လည်း အတွေးအခေါ်၊ အယူအဆတွေ အမြဲတမ်းတူနိုင်မှာမဟုတ်ပါဘူး (Photo by Masterfile)

ရန်ဖြစ်တယ်ဆိုကတည်းက မေမေနဲ့ဖေဖေကြားမှာ ကောင်းတဲ့ relationship တစ်ခုရှိနေလို့ပါ။ တစ်ယောက်နဲ့ တစ်ယောက် စိတ်ကုန်သွားပြီဆိုရင်တော့ ရန်ဖြစ်တာတွေ လုံးဝမရှိတော့ဘဲ စကားမပြောဖြစ်ကြတော့ပါဘူး။ တစ်ယောက်နဲ့ တစ်ယောက် တိတ်တိတ်ဆိတ်ဆိတ်ဖြစ်သွားပါတယ်။ တခါတရံ ရန်ဖြစ်တယ်ဆိုရင်တော့ အောက်ပါအကျိုးကျေးဇူးတွေ ရရှိစေပါတယ်။

တခါတရံ ရန်ဖြစ်ခြင်းရဲ့ ကောင်းကျိုးများ

(၁) ဒေါသ

ရန်ဖြစ်လိုက်တဲ့အခါ အနှစ်နှစ်ကာလ စုထားတဲ့ မကျေနပ်ချက်တွေနဲ့ မျိုသိမ့်ထားတဲ့ ခံစားချက်တွေ ပျောက်ကင်းသွားပါတယ်။ မကြေနပ်တာတွေ၊ မျိုသိမ့်ထားတာတွေ များလာတဲ့အခါ တစ်ယောက်နဲ့ တစ်ယောက် မမြင်တွေ့ချင်တော့တာနဲ့ စိတ်ကုန်တာတွေ ဖြစ်လာနိုင်ပါတယ်။

(၂) ပွင့်ပွင့်လင်းလင်း

ရန်ဖြစ်လိုက်တာက စိတ်ထဲ မှတ်ထားတာ၊ တေးထားတာနဲ့ မကောင်းတဲ့ခံစားချက်တွေ ပျောက်သွားပြီး တစ်ယောက်ပေါ် တစ်ယောက် ရိုးရိုးသားသား ဖြစ်သွားပါတယ်။

တစ်ယောက်နဲ့ တစ်ယောက် မခေါ်မပြောနိုင်တာတွေ ဖြစ်လာနိုင်ပါတယ် (Photo by Hello Health Group Pte. Ltd)

(၃) ဆင်ခြင်

တစ်ယောက်မကြိုက်တဲ့ အပြုအမူကို တစ်ယောက်က သိသွားတာကြောင့် ဆင်ဆင်ခြင်ခြင် နေဖြစ်သွားပါတယ်။ အမှတ်တမဲ့အပြုအမူတွေကိုလည်း ထိန်းထိန်းသိမ်းသိမ်း နေထိုင်မိသွားပါတယ်။

(၄) နားလည်

တစ်ယောက်နဲ့ တစ်ယောက် ပိုပြီးနားလည်လာပါတယ်။ ဘယ်အရာတွေကြိုက်တာ၊ မကြိုက်တာကို ကွဲကွဲပြားပြားသိသွားပါတယ်။ တစ်ယောက်ခံစားချက်ကိုလည်း တစ်ယောက် နားလည်သွားပါတယ်။

(၅) ကွဲခြင်း

တခါတရံရန်ဖြစ်လိုက်တာက အိမ်ထောင်ရေးကွာရှင်းမယ့် အခြေအနေကို ဖြတ်ကျော်ပြီးသား ဖြစ်သွားပါတယ်။

ရန်ဖြစ်ခြင်းရဲ့ ဆိုးကျိုးများ

(၁) ဒေါသထွက်တာကြောင့် သွေးတိုးတာနဲ့ နှလုံးခုန်မြန်တဲ့ပြဿနာတွေ ကြုံတွေ့နိုင်ပါတယ်။

(၂) ရန်ဖြစ်တာအရှိန်များသွားတယ်ဆိုရင် တစ်ယောက်နဲ့ တစ်ယောက် ကိုယ်ထိလက်ရောက် ရိုက်တာတွေ ဖြစ်လာနိုင်ပါတယ်။

(၃) နစ်နာစေတဲ့ စကားတွေကြောင့် ခါးခါးသီးသီး မုန်းသွားနိုင်ပါတယ်။

(၄) ကလေးငယ်တွေရှေ့ရန်ဖြစ်တယ်ဆိုရင် သူတို့လေးတွေမှာ စိတ်ဒဏ်ရာတွေ ဖြစ်သွားနိုင်ပါတယ်။

မိသားစု ပျော်ရွှင်ခြင်းတွေ နည်းသွားနိုင်ပါတယ် (Photo by globalnews)

(၅) တစ်ယောက်နဲ့ တစ်ယောက် မခေါ်မပြောနိုင်တာတွေ ဖြစ်လာနိုင်ပါတယ်။

(၆) မိသားစု ပျော်ရွှင်ခြင်းတွေ နည်းသွားနိုင်ပါတယ်။

(၇) အိမ်ပေါ်က ဆင်းသွားတာမျိုး ကြုံရနိုင်ပါတယ်။

(၈) ပတ်ဝန်းကျင်ကို အနှောက်အယှက်ဖြစ်စေပါတယ်။

(၉) ပစ္စည်းတွေရိုက်ခွဲတာကြောင့် ငွေကြေးအလေအလွင့်တွေဖြစ်ပေါ်စေပါတယ်။

(၁၀) ရန်ဖြစ်တဲ့အခါ မိသားစုတွေပါလာတယ်ဆိုရင် အိမ်ထောင်ရေးပြဿနာ ဦးတည်သွားနိုင်ပါတယ်။

မေမေနဲ့ ဖေဖေ ရန်ဖြစ်တာက အကောင်းထက် အဆိုးတွေက ပိုများနေတာကြောင့် တစ်ယောက်နဲ့ တစ်ယောက် အေးအေးဆေးဆေး ဆွေးနွေးညှို့နှိုင်းတာက အကောင်းဆုံးဖြစ်ကြောင်း Kalay ကနေ ပြောပြပေးလိုက်ပါတယ်။

 

 

 

 

 

 

From Kalay with


Comments

0 comments
Latest video
Refer to more useful articles
x