နားလည်မှုတွေနဲ့ တည်ငြိမ်ခိုင်မြဲတဲ့ အိမ်ထောင်ရေးဖြစ်ဖို့အတွက်

by: Phyo Pyae Thu
 0 comments  4 love

တစ်ဦးနဲ့တစ်ဦး ရေရှည်တည်တံ့စွာ လက်တွဲလို့ရတယ်ဆိုတာ ခွင့်လွှတ်ခြင်းကြောင့်ပါတဲ့

တစ်ဦးနဲ့ တစ်ဦး ရေရှည်တည်မြဲဖို့အတွက် ဒီလိုအရာလေးတွေ လုပ်ဆောင်ကြည့်ဖို့လိုပါတယ် (Photo by Lifestyle)

အိမ်ထောင်ရေးလေး ရေရှည်တည်မြဲဖို့

နှစ်ကိုယ်တူစိတ်တိုင်းကျ ထူထောင်ထားတဲ့ အိမ်ထောင်ရေးလေး ရေရှည်တည်မြဲဖို့ဆိုတာ ခင်ပွန်းရော၊ ဇနီးရောနဲ့ပါ သက်ဆိုင်ပါတယ်။ သွေးသားမတော်စပ်တဲ့သူတွေ တစ်အိမ်တည်းမှာ ရေရှည်တည်မြဲဖို့ဆိုတာ ခွင့်လွှတ်ခြင်း၊ နားလည်ခြင်း၊ ချစ်ခြင်းတွေအပြင် သစ္စာရှိမှုဆိုတာလည်း မဖြစ်မနေ လိုအပ်ပါတယ်။ တစ်ဦးနဲ့ တစ်ဦး ရေရှည်တည်မြဲဖို့အတွက် ဒီလိုအရာလေးတွေ လုပ်ဆောင်ကြည့်ဖို့လိုပါတယ်။

ငြင်းခုံဖို့ထက် ဆွေးနွေးပါ

တစ်ဦးနဲ့တစ်ဦး ကိစ္စတိုင်းမှာ အမြင်မတူနိုင်ပါဘူး။ ကိစ္စတစ်ခုကို ငြင်းခုံဖို့ထက် ညှိနှိုင်းဆွေးနွေးဖို့ လုပ်ပါ။ တစ်ယောက်ရဲ့ အမြင်ကို တစ်ယောက်က လေးစားပါ။ မတူညီတဲ့သဘောထားတာတွေ ရှိလာတာကို သဘောတူပေးနိုင်အောင် ပြင်ဆင်ထားဖို့လည်း လိုအပ်ပါတယ်။ တစ်ဦးနဲ့တစ်ဦး ရေရှည်တည်တံ့စွာ လက်တွဲလို့ရတယ်ဆိုတာ ခွင့်လွှတ်ခြင်းကြောင့်ပါတဲ့။ အချစ်ထက်ကို ပိုတဲ့ စိတ်သဘောထားပြည့်ဝမှုလေးပါ။ တစ်ယောက်အမှားကို တစ်ယောက် ခွင့်လွှတ်နိုင်မှ ပျော်ရွှင်တဲ့ အိမ်ထောင်ရေးကို ပိုင်ဆိုင်ရမယ်ဆိုတာ သတိရပါနော်။

တစ်ဦးနဲ့တစ်ဦး ရေရှည်တည်တံ့စွာ လက်တွဲလို့ရတယ်ဆိုတာ ခွင့်လွှတ်ခြင်းကြောင့်ပါတဲ့ (Photo by Bety.cz)

အိမ်ထောင်ဖက်ကို နားလည်ပေးပါ

ကိုယ့်ရဲ့ အိမ်ထောင်ဖက် အခြေအနေကို နားလည်ပါ။ သူက အားငယ်တတ်တယ်ဆိုရင် သူ့မှာရဲရဲတောက် စွမ်းအင်တွေမရှိတာကို လက်ခံပေးရမှာပါ။ သူက ဦးဆောင်တတ်သူဆိုရင် ကိုယ့်ရဲ့ သဘောဆန္ဒအတိုင်း အကုန်လုံး မလိုက်လျောနိုင်တာကို နားလည်ပေးရမှာပါ။

လန်းဆန်းတက်ကြွမယ့်အချစ်စိတ်

အချစ်စိတ်ဆိုတာ လူကို လန်းဆန်းတက်ကြွစေပေမယ့် တစ်ဦးတစ်ယောက်ပေါ်မှာပဲ အမြဲတမ်း အချစ်စိတ်တွေ လန်းဆန်းတက်ကြွနေဖို့ဆိုတာကတော့ တစ်ခါတစ်လေ ခက်ပါတယ်။ ဒီတော့ ကိုယ့်ရဲ့ အိမ်ထောင်ရေးလေး သာယာဖို့အတွက် အချစ်စိတ်နိုးကြားအောင် ပြုလုပ်လို့ ရတာလေးတွေ ရှိပါတယ်။ သူ့အတွက် မနက်စာ ပြင်ပေးပါ။ မွေးနေ့တွေ၊ မင်္ဂလာနှစ်ပတ်လည်နေ့တွေမှာ ရိုမန်တစ်ဆန်ဆန်လေးတွေ ဖြစ်အောင် စီစဉ်ပေးပါ။ ပိတ်ရက်တွေမှာ ဟင်းအတူတူ ချက်တာမျိုးတွေက အချစ်စိတ်ကို ရှင်သန်နိုးကြားစေပြီး သံယောဇဉ်လည်းတိုးစေနိုင်ကြောင်း Kalay ကနေ ပြောပြပေးလိုက်ပါတယ်။

 

From Kalay with

Tag: advicelove

Comments

0 comments
Latest video