အိမ်ထောင်ရေးသာယာဖို့ အချိန်အတူတူကုန်ဆုံးစို့

by: Phyo Pyae Thu
 0 comments  2 love

အိမ်ထောင်ရေးတစ်ခု သာယာစိုပြေစေဖို့အတွက် ဟိုအရင်တွေကလိုမျိုး တစ်ယောက်နဲ့တစ်ယောက် ဂရုစိုက်ဖို့ လိုပါတယ်။ နှစ်ယောက်အတူတူ ရှိနေတဲ့အချိန်တွေ များဖို့ လိုပါတယ်။

ချိန်းတွေ့ကြတဲ့အခါမှာလည်း  အလုပ်တွေ မေ့ထားပါ (Photo:123RF Stock Photo)

ဖေဖေ မေမေတို့ရေ အိမ်ထောင်ရေးလေးတစ်ခု သာယာဖို့ဆိုတာ လင်နဲ့မယား ပျော်ရွှင်စရာအချိန်တွေ အတူတူကုန်ဆုံးကြဖို့ လိုပါတယ်။ ပျော်ရွှင်စရာ အချိန်တွေ အတူတူ ကုန်ဆုံးဖို့ ဆိုတာလည်း တစ်ယောက်နဲ့ တစ်ယောက် အဆင်ပြေပြေ ရှိနေမှ ဖြစ်မှာပါနော်။

အိမ်ထောင်ရေးတစ်ခု သာယာစိုပြေစေဖို့အတွက်

ဟိုအရင်တွေကလိုမျိုး တစ်ယောက်နဲ့တစ်ယောက် ဂရုစိုက်ဖို့ လိုပါတယ်။ နှစ်ယောက်အတူတူ ရှိနေတဲ့အချိန်တွေ များဖို့ လိုပါတယ်။ ညစာအတူတူ ထွက်စားတာတွေ၊ ရုပ်ရှင်အတူတူ ကြည့်တာတွေ လုပ်ပါ။ တခြားလူတွေမပါဘဲ အပြင်မှာ နှစ်ယောက်တည်း တွေ့ဆုံတာက ပိုချစ်လာဖို့ ဖန်တီးပေးပါတယ်။ တစ်ယောက်နဲ့ တစ်ယောက် ချိန်းတွေ့ကြတဲ့အခါမှာလည်း  အလုပ်တွေ မေ့ထားပါ။ ကောင်းတဲ့အရာတွေပဲ ပြောပါ။ ဒါက အိမ်ထောင်ရေးလေး ခိုင်မြဲစေမှာပါ။

အိမ်အပြန်လမ်းမှာ ဟင်းချက်စရာလေးတွေ၊ အိမ်အတွက် လိုအပ်တာလေးတွေ အတူတူ ဝယ်သွားပါ (photo: 123RF Stock Photo)

အချိန်အတူတူ ကုန်ဆုံးကြပြီဆိုရင် တစ်ယောက်နဲ့ တစ်ယောက် ထိတွေ့ပါ

ခန္ဓာကိုယ်ချင်းထိတွေ့ကလည်း စိတ်ပိုင်းဆိုင်ရာ ဆက်သွယ်ထားခြင်းပါပဲ။ ဒီလိုမျိုး ချစ်ရသူနဲ့ ထိတွေ့က စိတ်ဖိစီးမှုကို လျှော့ကျစေနိုင်ပါတယ်။ အိမ်ထောင်ရေးမှာ နမ်းရှုပ်ခြင်း၊ ပွေ့ဖက်ခြင်းတို့ကို နေ့တိုင်း ပုံမှန်လုပ်ဆောင်နေမယ်ဆိုရင် ရန်ဖြစ်ဖို့ ခဲယဉ်းပါတယ်။

မေမေတို့ အနေနဲ့လည်း အချိန်အတူတူ ကုန်ဆုံးတဲ့အခါမှာ ဟိုဟာက ဟိုလို၊ ဒီဟာက ဒီလိုနဲ့ ပြဿနာတွေ မရှာပါနဲ့။ နားပူနားဆာတွေ မလုပ်ပါနဲ့။ မဟုတ်ရင် နောက်တစ်ကြိမ် ချိန်းတွေ့ဖို့ကို တွန့်ဆုတ်သွားနိုင်ပါတယ်။ အလှဆုံးပြင်ပါ။ အင်္ကျီအသစ်လေးတွေ၊ ဖိနပ်အသစ်လေးအပြင် ဆံပင်ကိုပါ ခဏလောက် အပြောင်းအလဲ လုပ်ပါ။ ဒါက ကိုယ့်ခင်ပွန်းရဲ့ အမြင်ကို ပြောင်းစေမှာမို့ ပိုချစ်စေမှာပါ။

ညစာအပြင်မှာစားပြီးတဲ့အခါကျရင် အိမ်အပြန်လမ်းမှာ ဟင်းချက်စရာလေးတွေ၊ အိမ်အတွက် လိုအပ်တာလေးတွေ အတူတူ ဝယ်သွားပါ။ နောက်နေ့ မနက်စာကို အတူတူ ချက်ပြုတ်ပြင်ဆင်တာက အိမ်ထောင်ရေးမှာ အမှတ်တရတွေ ဖြစ်နေမှာပါ။

Kalay.com.mm မှ ရေးသားဖော်ပြနေသော ဆောင်းပါးများကို စီးပွားဖြစ်လုပ်ကိုင်နေသော မည်သည့် Website နှင့် Social Media များမှ Facebook Page များအတွက် ပြန်လည်ကူးယူခြင်း၊ ဆင်တူယိုးမှား ဖော်ပြခြင်းများ မပြုပါရန် လေးစားစွာ အသိပေးအပ်ပါသည်။
From Kalay with

Tag: advicegood tipslovesex

Comments

0 comments
Latest video
Refer to more useful articles
x