ဗိုက်ဗိုက်တို့အတွက် Ultrasound 2D, 3D, 4D ရိုက်ပေးခြင်းရဲ့ အကျိုးကျေးဇူးများ

by: Nang Htwe
 0 comments  0 love

သန္ဓေသားလေးရဲ့ ကျန်းမာဖွံ့ဖြိုးမှုနဲ့ လုံခြုံစိတ်ချရမှုအတွက် ultrasound ရိုက်ဖို့ တိုက်တွန်းပါတယ်။ Ultrasound နဲ့ ပတ်သက်ပြီး ဆရာဝန်နဲ့ တိုင်ပင်တာ အကောင်းဆုံးဖြစ်ပါတယ်။

Ultrasound ဆိုတာ မေမေလောင်းတို့ရဲ့ဗိုက်ထဲက သန္ဓေသားလေး ပုံစံနဲ့တည်နေရာ စတာတွေကို အဖြေရှာပေးတာပါ။ သန္ဓေသားရဲ့ ခန္ဓာကိုယ်ပုံရိပ်အတွက် အထောက်အကူပြုတဲ့ ကိရိယာဖြစ်ပါတယ်။ အသံလှိုင်းကို အသုံးပြုပြီး ခန္ဓာကိုယ်မှ တဆင့် ပုံရိပ်တွေကို ထုတ်လုပ်ပေးပါတယ်။ ကိုယ်ဝန်(ဗိုက်) အသားအရည် ချောချောမွေ့မွေ့ဖြစ်သွားဖို့ ဂျယ်ကို ခပ်ပါးပါးလေးလိမ်းပြီး transducer လို့ခေါ်တဲ့ စုံစမ်းစစ်ဆေးပေးတဲ့ ပစ္စည်းကို အသုံးပြုပါတယ်။ Ultrasound ကနေ ထုတ်လွှတ်လိုက်တဲ့ အသံလိုင်းက တဖန်ပြန်ပြီး ပုံရိပ်တွေအဖြစ် သတင်းပြန်ပို့ပါတယ်။

သန္ဓေသားလေးရဲ့ ကျန်းမာဖွံ့ဖြိုးမှုနဲ့ လုံခြုံစိတ်ချရမှုအတွက် ultrasound ရိုက်ဖို့ တိုက်တွန်းပါတယ် (Photo by bumptobabyscotland.co.uk)

Ultrasound ရိုက်ခြင်းရဲ့ အကျိုးကျေးဇူးများ

  • သန္ဓေသားရဲ့ ကိုယ်တွင်းအင်္ဂါအစိတ်အပိုင်းတွေကို မြင်တွေ့ရခြင်း
  • သန္ဓေသားရဲ့ ခန္ဓာကိုယ်အင်္ဂါတွေကို ထိခိုက်မှုမရှိခြင်းကို သိရခြင်း
  • သန္ဓေသားအပေါ် နောက်ဆက်တွဲ အန္တရာယ်ရှိ၊ မရှိကို သိနိုင်ခြင်း
  • မတူညီတဲ့ ပုံစံအမျိုးမျိုးနဲ့ သန္ဓေသားရဲ့ ခန္ဓာကိုယ်ဖွံ့ဖြိုးတိုးတက်မှုကို မြင်တွေ့နိုင်ခြင်း

2D ultrasound

2D ultrasound (Photo by Babytuto Blog)

2D ultrasound ကတော့ သာမန် ultrasound တစ်ခုဖြစ်ပြီး ပို့လွှတ်လိုက်တဲ့ လှိုင်းတွေကို ပြန်ပြီးပုံရိပ်အဖြစ် ဖမ်းပေးတာပါ။ ရလာတဲ့ ပုံရိပ်ကို အဖြူနဲ့ အနက်နဲ့ ပြပေးပါတယ်။ ဖလင်အနေနဲ့ ပြန်ပြီးထုတ်ယူနိုင်ပါတယ်။ သန္ဓေသားရဲ့ ဖွံ့ဖြိုးတိုးတက်မှုကို ပြည့်ပြည့်စုံစုံနီးပါး အကဲဖြတ်ဆုံးဖြတ်နိုင်ပါတယ်။

3D ultrasound

3D ultrasound (Photo by Julakutuhy.co)

3D ultrasound ကတော့ 2D ultrasound ထက် နည်းပညာပိုမိုဖွံ့ဖြိုးတိုးတက်လာပြီး ပုံရိပ်တွေကို မတူညီတဲ့ ရှု့ထောင့်ကနေ ကြည့်လို့ရလာနိုင်ပါတယ်။ Software ကလည်း ပိုပြီး အဆင့်မြင့်လာပါတယ်။  သုံးဖက်မြင် ပုံရိပ်ကို ရရှိပါတယ်။ သန္ဓေသားရဲ့ ကြီးထွားဖွံ့ဖြိုးမှု၊ ပုံစံနဲ့ တည်နေရာတို့ကို အသေးစိတ်ကျယ်ကျယ်ပြန့်ပြန့် သိနိုင်လာပါတယ်။ ပိုပြီး တိကျတဲ့ အဖြေရရှိပါတယ်။ ဒါကြောင့် 3D ultrasound ကို ပိုပြီး အသုံးများပါတယ်။ 3D ultrasound ရဲ့ အကျိုးကျေးဇူးကတော့

  • 2D ultrasound မှာ မြင့်တွေ့ခွင့်မရတဲ့ အစိတ်အပိုင်းတွေကို 3D ultrasound မှာတွေ့မြင်ရခြင်း
  • သန္ဓေသားရဲ့ ချို့ယွင်းချက်တွေကို မြင်တွေ့ရခြင်း (ဥပမာ နှုတ်ခမ်းကွဲ၊ မေးစိကွဲ၊ အာခေါင်ကွဲ)
  • သန္ဓေသားရဲ့ အရိုးနဲ့ အာရုံကြောချို့ယွင်းချက်ကို သိရှိလာနိုင်ခြင်း
  • အချိန်တိုအတွင်းမှာ တိကျတဲ့ အဖြေကို ရရှိခြင်း
  • သန္ဓေသားရဲ့ အဖြေကို တိတိကျကျသိရတာကြောင့် ခန့်မှန်းချက်တွေအပေါ် မှီခိုတာ နည်းသွားခြင်း
  • ပိုမိုကောင်းမွန်ပြီး တိကျတဲ့ အဖြေကို ရရှိခြင်း

4D ultrasound

4D ultrasound (Photo by med.unic.ac.cy)

4D ultrasound ရဲ့ နည်းပညာကတော့ 3D ultrasound လိုဖြစ်ပြီး ထူးခြားလာတာတစ်ခုက video နဲ့  သန္ဓေသားကို တိုက်ရိုက်ကြည့်လို့ရနိုင်တာပါ။ ဘယ်လောက်ထိ တိုက်ရိုက်ကြည့်လို့ရတာလဲဆိုတာကတော့ အံ့သြစရာကောင်းလှပါတယ်။ သန္ဓေသားရဲ့ ခန္ဓာကိုယ်၊ မျက်နှာ၊ ကိုယ်တွင်းအင်္ဂါနဲ့ သွေးကြောတွေထဲ သွေးလည်ပတ်မှုတွေအထိပါ ကြည့်လို့ရနိုင်တာပါ။ 2D ultrasound ထက် ပိုပြီးလျင်မြန်ပါတယ်။ 4D ultrasound ရဲ့ အကျိုးကျေးဇူးတွေနဲ့ 3D ultrasound ရဲ့ အကျိုးကျေးဇူးတွေက အတူတူပါပဲ။ 4D ultrasound ကတော့ သန္ဓေသားရဲ့ ဖြစ်စဉ်တွေကို ဗီဒီယိုတိုက်ရိုက်ကြည့်နိုင်တာက အားသာချက်တစ်ခုဖြစ်သွားတာပါ။

ငွေကြေးကုန်ကျစရိတ် ကြီးမားတာကတော့ ultrasound ရိုက်ခြင်းရဲ့ အားနည်းချက်လို့ ပြောနိုင်ပါတယ်။ ဒါပေမယ့်လည်း သန္ဓေသားလေးရဲ့ ကျန်းမာဖွံ့ဖြိုးမှုနဲ့ လုံခြုံစိတ်ချရမှုအတွက် ultrasound ရိုက်ဖို့ တိုက်တွန်းပါတယ်။ Ultrasound နဲ့ ပတ်သက်ပြီး ဆရာဝန်နဲ့ တိုင်ပင်တာ အကောင်းဆုံးဖြစ်ပါတယ်။

 

 

From Kalay with

Tag: 2D3D4DUltrasound scans

Comments

0 comments
Latest video
Refer to more useful articles
x