ကိုယ်ဝန်ဆောင်ချိန်အတွင်း ငါးစားခြင်းရဲ့ အကျိုးကျေးဇူးများ

by: Nang Htwe
 0 comments  0 love

ကိုယ်ဝန်ဆောင်ချိန်မှာ ငါးကို အစိမ်းမစားသင့်ပါဘူး။ အထူးသဖြင့် ငါးပါတဲ့ ဆူရှီတွေကို ကိုယ်ဝန်ဆောင်ချိန်မှာ ရှောင်ရှားသင့်ပါတယ်။

ငါးဟာဆိုရင် ကိုယ်ဝန်ဆောင်မေမေတွေ စားသင့်တဲ့ အစားအစာဖြစ်ပါတယ်။ ရေချိုငါး၊ ပင်လယ်ငါး ဆိုပြီး အမျိုးအစား(၂)မျိုးရှိပါတယ်။ ငါးကို ပျှမ်းမျှ တစ်ပတ်လျှင် (၂)ကြိမ်ကနေ (၃)ကြိမ်အထိ စားနိုင်ပါတယ်။ ငါးမှာ ကိုယ်ဝန်ဆောင်တွေအတွက် မြင့်မားတဲ့ အာဟာရတွေရှိနေပါတယ်။

ငါးဟာဆိုရင် ကိုယ်ဝန်ဆောင်မေမေတွေ စားသင့်တဲ့ အစားအစာဖြစ်ပါတယ် (Photo by FirstCry Parenting)

ငါးမှာပါဝင်တဲ့ ဗီတာမင်ဓါတ်များ

အိုမီဂါ(၃)

ငါးမှာ အိုမီဂါ(၃)ပါဝင်တာကြောင့် သန္ဓေသားရဲ့ ဦးနှောက်နဲ့ မျက်စိ တည်ဆောက်မှုမှာ အထောက်အကူပြုပါတယ်။ ကိုယ်ဝန်တတိယပိုင်းမှာ ဦးနှောက်နဲ့ အာရုံဖွံ့ဖြိုးတိုးတက်မှု မြန်ဆန်နေပြီး တစ်ရက်ကို အိုမီဂါ(၃) (၆၅)မီလီဂရမ် လိုအပ်ပါတယ်။ အိုမီဂါ(၃)ကို ကလေးငယ်ရဲ့ အသက်(၂)နှစ်အထိ အရေးကြီးလိုအပ်ပါတယ်။ အိုမီဂါ(၃)ဟာ မေမေလောင်းတို့ ကိုယ်ဝန်ဆောင်ချိန်မှာ စိတ်ဓါတ်ကျတာကို ကာကွယ်ပေးပါတယ်။

အိုမီဂါ(၃) ကို ပင်လယ်ငါးတွေမှာ အများဆုံးပါဝင်ပါတယ်။ ကြက်ဥနဲ့ နို့နဲ့နို့ထွက်ပစ္စည်းတွေမှာလည်း အိုမီဂါ(၃) ပါဝင်ပါတယ်။

ပရိုတိန်း

ပရိုတိန်းက သန္ဓေသားရဲ့ အသားအရည်၊ အရိုး၊ ဆံပင်၊ ကြွက်သားနဲ့ အာရုံကြော တည်ဆောက်ရာမှာ မရှိမဖြစ် လိုအပ်ပါတယ်။ ငါးမှာ ပရိုတိန်းဓါတ်ကြွယ်ဝစွာပါဝင်ပါတယ်။ ငါး အပြင် နောက်ထပ် ပရိုတိန်းကြွယ်ဝတဲ့ အစားအစာတွေကတော့ ဂဏန်း၊ ကြက်ဥနဲ့ ဥအမျိုးမျိုး၊ ပဲ၊ မြေပဲနဲ့ နို့နဲ့ နို့ထွက်ပစ္စည်းတွေ တို့ပဲ ဖြစ်ပါတယ်။

ငါးမှာ မေမေလောင်းတို့လိုအပ်တဲ့ သံဓါတ်ပါဝင်ပါတယ် (Photo by فوشيا)

ဗီတာမင် D

ဗီတာမင် D ဟာဆိုရင် ကယ်ဆီယမ်စုပ်ယူမှုအတွက် မရှိမဖြစ်လိုအပ်ပြီး သန္ဓေသားရဲ့ အရိုး၊ သွား၊ နှလုံး၊ အရိုးနဲ့ အာရုံကြောတွေအတွက် လိုအပ်ပါတယ်။ မေမေလောင်းတို့ရဲ့ သွားနဲ့ အရိုးအတွက် အထောက်အကူပြုပါတယ်။ ဗီတာမင် D ဟာ သွေးဖိအားမြင့်တက်တာကို လျှော့ပေးပါတယ်။ ငါးမှာ ဗီတာမင် D ပါဝင်ပါတယ်။ ငါးအပြင် နောက်ထပ် ဗီတာမင်D ကြွယ်ဝတဲ့ အစားအစာတွေကတော့ နွားနို့နဲ့ လိမ္မော်ဖျော်ရည်တို့ပဲဖြစ်ပါတယ်။

သံဓါတ်

ငါးမှာ မေမေလောင်းတို့လိုအပ်တဲ့ သံဓါတ်ပါဝင်ပါတယ်။ သံဓါတ်ဟာဆိုရင် သန္ဓေသားဆီ သွေးသယ်ဆောင်ပေးပါတယ်။ သံဓါတ်ဟာဆိုရင် မေမေလောင်းတို့ကို ကိုယ်ခံစွမ်းအားကောင်းစေပါတယ်။ ငါးအပြင် နောက်ထပ် သံဓါတ်ပါတဲ့ အစားအစာတွေကတော့ အနီရောင်အသားများ၊ ကြက်သား၊ အမဲသားနဲ့ ကြက်ဆင်သားတို့ပဲ ဖြစ်ပါတယ်။

ကိုယ်ဝန်ဆောင်ချိန်မှာ ငါးကို အစိမ်းမစားသင့်ပါဘူး။ အထူးသဖြင့် ငါးပါတဲ့ ဆူရှီတွေကို ကိုယ်ဝန်ဆောင်ချိန်မှာ ရှောင်ရှားသင့်ပါတယ်။ ငါးကို ကျက်အောင် ချက်ပြုတ်စားသင့်ကြောင်း Kalay ကနေ ပြောပြပေးလိုက်ပါတယ်။

 

 

 

Kalay.com.mm မှ ရေးသားဖော်ပြနေသော ဆောင်းပါးများကို မည်သည့် Website နှင့် Social Media များမှ Facebook Page များအတွက် ပြန်လည်ကူးယူခြင်း၊ ဆင်တူယိုးမှား ဖော်ပြခြင်းများ မပြုပါရန် လေးစားစွာ အသိပေးအပ်ပါသည်။
From Kalay with


Comments

0 comments
Latest video
Refer to more useful articles
x