ကိုယ့်သားသမီးကို တခြားသားသမီးနဲ့ မနှိုင်းယှဉ်မိစေဖို့

by: Nang Htwe
 0 comments  0 love

မကြာခဏ နှိုင်းယှဉ်ခံရတဲ့ ကလေးငယ်တွေမှာ လိုတာထက် ပိုရှက်တတ်လာပါတယ်။ လူကြားထဲမသွားချင်တာနဲ့ လူတောမတိုးတာတွေ နောက်ဆက်တွဲဖြစ်လာပါတယ်။

တခါတရံမှာ ကလေးငယ်ကို ကြိုးစားလိုစိတ်မြင့်လာဖို့အတွက် တခြားကလေးတွေနဲ့ယှဉ်ပြီး ဆုံးမတတ်ကြပါတယ်။ ဒါက မှားယွင်းနေပါတယ်။ သားသားမီးမီးလေးတွေကို တခြားကလေးငယ်တွေနဲ့ မကြာခဏ ယှဉ်နေမယ်ဆိုရင် ကလေးငယ်မှာ ပြဿနာတွေ ရင်ဆိုင်ရနိုင်ပါတယ်။ ကလေးငယ်တွေမှာ တစ်ယောက်နဲ့တစ်ယောက် မတူညီတဲ့ အားသာချက်တွေနဲ့ အားနည်းချက်တွေ ရှိပါတယ်။ ဒါကြောင့် တစ်ယောက်နဲ့ တစ်ယောက် နှိုင်းယှဉ်လို့မရပါဘူး။

တခါတရံမှာ ကလေးငယ်ကို ကြိုးစားလိုစိတ်မြင့်လာဖို့အတွက် တခြားကလေးတွေနဲ့ယှဉ်ပြီး ဆုံးမတတ်ကြပါတယ် (Photo by AllMomDoes)

သားသားမီးမီးလေးတွေကို တခြားကလေးငယ်တွေနဲ့ မကြာခဏ နှိုင်းယှဉ်နေမယ်ဆိုရင်

(၁) ဖိအား

မကြခဏ နှိုင်းယှဉ်ခံနေရမယ်ဆိုရင် ဖိအားတွေ များလာနိုင်ပါတယ်။ စိုးရိမ်ပူပန်တာတွေ၊ အိပ်မပျော်တာတွေနဲ့ စွမ်းဆောင်ရည်ကို ထိခိုက်စေပါတယ်။

(၂) လေးစားမှု

ကလေးငယ်တွေမှာ ကိုယ့်ကိုယ်ကို လေးစားမှု နည်းလာနိုင်တာကို တွေ့ရပါတယ်။ ကလေးငယ်တွေရဲ့ ကိုယ်ရည်ကိုယ်သွေးဖွံ့ဖြိုးမှုနဲ့ ပညာရေးကို အနှောက်အယှက်ဖြစ်စေပါတယ်။

မကြခဏ နှိုင်းယှဉ်ခံနေရမယ်ဆိုရင် ဖိအားတွေ များလာနိုင်ပါတယ် (Photo by GoParento)

(၃) ယုံကြည်မှု

ကလေးငယ်တွေမှာ ကိုယ့်ကိုယ်ကို ယုံကြည်မှု နည်းလာပါတယ်။ ယုံကြည်မှုနည်းလာတဲ့နောက်ပိုင်းမှာ စွမ်းဆောင်ရည်တွေကလည်း ကျလာပါတယ်။

(၄) ရှက်တတ်ခြင်း

မကြာခဏ နှိုင်းယှဉ်ခံရတဲ့ ကလေးငယ်တွေမှာ လိုတာထက် ပိုရှက်တတ်လာပါတယ်။ လူကြားထဲမသွားချင်တာနဲ့ လူတောမတိုးတာတွေ နောက်ဆက်တွဲဖြစ်လာပါတယ်။

(၅) အတူတူကစားခြင်း

အနှိုင်းယှဉ်ခံရတဲ့ ကလေးနှစ်ယောက်ဆိုဟာဆိုရင် အတူတူကစားဖို့ ဆိုတာ တဖြည်းဖြည်း ခက်ခဲလာပါတယ်။ အရင်က ဘယ်လောက်ပဲ ရင်းနှီးရင်းနှီး နှိုင်းယှဉ်ခံရပြီးနောက်ပိုင်းမှာ ခင်မင်မှုတွေနည်းလာပါတယ်။ တစ်ယောက်ပေါ် တစ်ယောက် မနာလိုစိတ်နဲ့ မုန်းတီးစိတ်တွေ တိုးလာပါတယ်။

(၆) ပျော်ရွှင်မှုနည်းလာခြင်း

မကြာခဏ နှိုင်းယှဉ်ခံရတဲ့ ကလေးငယ်တွေဟာ ပျော်ရွင်မှုတွေ နည်းလာတာကို တွေ့ရပါတယ်။ အထူးသဖြင့် မောင်နှမဝမ်းကွဲတွေနဲ့ နှိုင်းယှဉ်ခံရတယ်ဆိုရင် ပိုပြီးတောင် ပျော်ရွှင်မှုတွေ နည်းသွားပါတယ်။

(၇) ပြိုင်ဆိုင်စေခြင်း

မေမေဖေဖေတို့က ကလေးငယ်ကို ပြိုင်ဆိုင်လိုစိတ် တိုးမြင့်လာဖို့အတွက် ပြောပေးမယ့်လည်း ကလေးငယ်ရဲ့ စိတ်ခံစားထဲမှာတော့ တိုက်ပွဲတွေ၊ ကျီစားလန့်စား ဖြစ်တာတွေနဲ့ ကြောက်ရွံ့မှုတွေသာ တိုးလာစေပါတယ်။

သားသားမီးမီးလေးတွေကို တခြားကလေးငယ်တွေနဲ့ နှိုင်းယှဉ်တာက ကောင်းတဲ့ရလာဒ်တွေထက် စိတ်ဒဏ်ရာတွေသာ ပိုများလာနိုင်ကြောင်းကို Kalay ကနေ ပြောပြပေးလိုက်ပါတယ်။

 

 

 

 

 

From Kalay with


Comments

0 comments
Latest video