သားသားမီးမီးတို့ရဲ့ ဦးနှောက်ကို ဖွံ့ဖြိုးစေမယ့် အာဟာရဓာတ်များ

by: Swe Mar
 0 comments  87 love

ဦးနှောက်ဖွံ့ဖြိုးဖို့ အဓိကလိုအပ်တဲ့ အာဟာရဓာတ်တွေကတော့ အိုင်အိုဒင်း၊သံဓာတ်၊ ထုံးဓာတ်၊ ဖက်တီးအက်စစ်နဲ့ ပရိုတင်းတို့ဖြစ်ပါတယ်။

သားသားမီးမီးတို့ရဲ့ ဦးနှောက်ဖွံ့ဖြိုးဖို့ဆိုရင် မေမေတို့အနေနဲ့ ကိုယ်ဝန်ဆောင်ချိန်မှာကတည်းက အစားအသောက်ကိုအထူးဂရုပြုပြီး စားဖို့လိုပါတယ်။ ဦးနှောက်ဖွံ့ဖြိုးဖို့ အဓိက လိုအပ်တဲ့ အာဟာရဓာတ်တွေကတော့ အိုင်အိုဒင်း၊သံဓာတ်၊ ထုံးဓာတ်၊ ကျန်းမာရေးအတွက် အထောက်အကူဖြစ်စေတဲ့ အဆီဓာတ်ဖြစ်တဲ့ ဖက်တီးအက်စစ်နဲ့ ပရိုတင်းတို့ဖြစ်ပါတယ်။

 

ကိုယ်ဝန်ဆောင်မိခင်တွေအနေနဲ့ အိုင်အိုဒင်းဓာတ်အတွက် အိုင်အိုဒင်းကို စားသုံးပေးဖို့လိုပါတယ်။ သံဓာတ်အတွက်ကတော့ အသား၊ ငါး၊ ပဲအမျိုးမျိုး၊ အစေ့အဆံနဲ့ အသီးအရွက်တွေစားပေးပါ။ သံဓာတ်က ဉာဏ်ရည်ကို ကောင်းမွန်စေရုံသာမကပဲ သွေးအားနည်းရောဂါကိုပါကာကွယ်ပေးပါတယ်။ ထုံးဓာတ်အတွက်ကိုတော့ အရိုးပါဝါးစားလို့ရတဲ့ ငါးသေးသေးလေးတွေစားလို့ရပါတယ်။ ဒါမှမဟုတ် နို့ကိုသောက်ပေးပါ။

ဖက်တီးအက်စစ်( ကျန်းမာရေးအတွက်အကျိုးရှိစေတဲ့ အဆီဓါတ်) အတွက် ငါးကြီးဆီ၊ ထောပတ်သီး၊ ပဲ၊ ကြက်ဥတို့မှာပါတဲ့ အဆီဓာတ်တွေကြောင့်  စားပေးသင့်ပါတယ်။ ပရိုတိန်းအတွက် အသား၊ ပင်လယ်စာ၊ ပဲအမျိုးမျိုးနဲ့ ဥတွေမှာ ပရိုတိန်းဓာတ်ကြွယ်ဝစွာပါဝင်တာကြောင့် စားပေးသင့်ပါတယ်။

ကလေးဉာဏ်ရည် တိုးတက်စေချင်တယ်ဆိုရင် ဒီဓာတ်တွေက အဓိကကျပါတယ်နော်။ ကလေးမီးဖွားပြီးတဲ့ နို့တိုက်မေမေတွေလည်း စားသုံးရမှာပါ။ ဒါမှ မိခင်နို့ရည်ဆီကနေ ရင်သွေးလေးက ဉာဏ်ကောင်းစေတဲ့အာဟာရဓာတ်တွေရမှာ ဖြစ်ပါတယ်။ (၆) လပြည့်လို့ ကလေးကိုဖြည့်စွက်စာကျွေးပြီဆိုရင်လည်း အိုင်အိုဒင်း၊ သံဓာတ်၊ ထုံးဓာတ်၊ ဖက်တီးအက်စစ်နဲ့ ပရိုတိန်းဓာတ်တွေပါဝင်တဲ့ အစာတွေကို ရောပြုတ်ကြိတ်ချေပြီး ကလေးကို ကျွေးပေးပါ။ ( ၆) လကျော်လာပြီဆိုရင်တော့ သံဓာတ်တွေများများ လိုအပ်လာတာကြောင့် ကလေးအတွက် သံဓာတ်ချို့တဲ့မှာ စိုးရိမ်ရပါတယ်။ မိခင်နို့ကရတဲ့သံဓာတ်ကလည်း မလုံလောက်တော့ပါဘူး။ သံဓာတ်ချို့တဲ့ တဲ့အခါ သွေးအားနည်းတာနဲ့ ဦးနှောက်ဖွံ့ဖြိုးမှုအားနည်းတာတွေဖြစ်နိုင်ပါတယ်။ ဒါကြောင့် ဆရာဝန်နဲ့ တိုင်ပင်ပြီး ကလေးအာဟာရအတွက် ပိုမိုကောင်းမွန်စေမယ့် ဆေးရည်လေးတွေကို တိုက်ကျွေးပေးဖို့ အကြံပြုလိုက်ရပါတယ်။

Kalay.com.mm မှ ရေးသားဖော်ပြနေသော ဆောင်းပါးများကို မည်သည့် Website နှင့် Social Media များမှ Facebook Page များအတွက် ပြန်လည်ကူးယူခြင်း၊ ဆင်တူယိုးမှား ဖော်ပြခြင်းများ မပြုပါရန် လေးစားစွာ အသိပေးအပ်ပါသည်။
From Kalay with



Comments

0 comments
Latest video
Refer to more useful articles