ကလေးအတွက် အားဖြည့်ဆန်ကို စတင်ကျွေးမွေးရန် အကောင်းဆုံးအချိန်

by: Khin Nyein Lwin
 1 comments  0 love

အမျိုးသမီးများသာလျှင် မိသားစုဝင်များရဲ့ အာဟာရနှင့် ကျန်းမာရေးအပေါ်ကောင်းမွန်စွာ ပြောင်းလဲဖန်တီးပေးနိုင်ပါတယ်

ကလေးအသက် (၆)လပြည့်ပြီး ဖြည့်စွက်စာစတင်ကျွေးချိန်ဖြစ်ပါသည်။ ကလေးငယ်များ သံဓာတ်လုံလောက်မှုရှိစေဖို့အတွက် သံဓာတ်ကြွယ်ဝသောအစားအစာများ စားပေးရန်လိုအပ်ပါတယ်။ ဒါ့အပြင် အားဖြည့်ဆန်နဲ့ပြုလုပ်ထားတဲ့ ဖြည့်စွက်စာထဲကို အသား၊ငါး၊ ဟင်းသီးဟင်းရွက်နှင့် သစ်သီးဝလံများဖြည့်စွက်ပေးခြင်းဖြင့် ကလေးတစ်ယောက်ရဲ့ ကြီးထွားဖွံ့ဖြိုးမှုအတွက် လိုအပ်တဲ့ ဗီတာမင်နှင့် သတ္တုဓာတ်များ၊ အသားဓာတ် နှင့် ကစီဓာတ်တို့ကို ရရှိနိုင်မည်ဖြစ်ပါတယ်။

ပညာသင်ကြားနေတဲ့ ကာလတစ်လျောက်လုံးတွင်လည်း တစ်နေ့တာလိုအပ်ပြီး အရေးကြီးသည့် အဏုအာဟာရဓာတ်များရရှိစေရန် အားဖြည့်ဆန်ကိုစဉ်ဆက်မပြတ်ကျွေးမွေးနိုင်ပါတယ်။  ကမ္ဘာ့ကျန်းမာရေးအဖွဲ့နှင့် ကုလသမဂ္ဂကလေးများ ရန်ပုံငွေအဖွဲ့တို့ရဲ့ သုတေသနများအရ ပုညှက်ခြင်းကို အဓိကဖြစ်စေသော အချိန် ( လူ့ဘဝသက်တမ်း၏ ကနဦးရက်ပေါင်းတစ်ထောင်)အတွင်း အာဟာရလုံလောက်စွာမရရှိပါက ကလေးငယ်များတွင် ရောဂါကူးစက်ခံရနှုန်းမှာ ပုံမှန်ထက် (၁၀)ဆ မြင့်မားလာခြင်း၊ ပညာရေးတွင်လည်း ပုံမှန်ကလေးများထက် (၅)နှစ်ခန့်နောက်ကျခြင်းနှင့် ဝင်ငွေရရှိမှုပိုင်းတွင် ပုံမှန်ပမာဏထက် (၂၁)ရာခိုင်နှုန်းလျော့ကျသည်ကို တွေ့ရပါသည်။ ထို့ကြောင့် ကလေးငယ်များအပြင် မိခင်များလည်း အဏုအာဟာရချို့တဲ့မှုကို ကာကွယ်ရန် အရေးကြီးပါတယ်။

အမျိုးသမီးများ

အမျိုးသမီးများအနေဖြင့် မိခင်သည်ဖြစ်လာရင် ခန္ဓာကိုယ်အတွင်းရှိတဲ့ အာဟာရဓာတ်များနဲ့ စားသုံးတဲ့ အစားအစာများက ဗိုက်ထဲမှာ ရှိနေတဲ့ ကလေးငယ်များကောင်းစွာဖွံ့ဖြိုးဖို့အတွက် ဖန်တီးလုပ်ဆောင်ပေးပါတယ်။ ကလေးငယ်များကျန်းမာဖို့၊ တိုးတက်ဖို့နဲ့ ကြီးထွားဖို့အတွက် ကိုယ်ဝန်ဆောင်စဉ်နဲ့ နို့ချိုတိုက်ကျွေးချိန်များမှာပါ မိခင်များအနေဖြင့် ရုပ်ပိုင်းဆိုင်ရာအရလည်း ခန္ဓာကိုယ်လှုပ်ရှားမှုများ ပြုလုပ်ရပါတယ်။ (၂၀၁၃)ခုနှစ်စာရင်းများအရ ကိုယ်ဝန်ဆောင်အမျိုးသမီးများရဲ့ (၇၁) ရာခိုင်နှုန်းနဲ့ အမျိုးသမီးများရဲ့ (၄၅)ရာခိုင်နှုန်းဟာ သွေးအားနည်းရောဂါကိုခံစားနေကြရပါတယ်။ (၂၀၁၆)ခုနှစ်မှာတော့ ဖွံ့ဖြိုးတိုးတက်မှုတွေ့ရပြီး ကိုယ်ဝန်ဆောင်မိခင်များရဲ့ (၅၀) ရာခိုင်နှုန်းသာ သွေးအားနည်းရောဂါကို ခံစားနေကြရပါတယ်။ သို့သော်လည်း ဒီပမာဏဟာ မြင့်မားနေဆဲလို့ ပြောလို့ရပါတယ်။

သွေးအားနည်းရောဂါကို ခံစားနေရတဲ့ ကိုယ်ဝန်ဆောင်မိခင်ဟာ ကလေးငယ်ရဲ့ ကျန်းမာစွာရှင်သန်မှုကို အန္တရာယ်ဖြစ်စေတဲ့ ကိုယ်အလေးချိန်မပြည့်ဘဲ မွေးဖွားမှုနဲ့ လမစေ့မှီမွေးဖွားမှုများ ပိုမိုမြင့်မားပါတယ်။ မိခင်တွင်လည်း အသက်အန္တရာယ်ဖြစ်စေတဲ့ သွေးသွန်ခြင်းနဲ့ သေဆုံးခြင်းများ ကြုံတွေ့ရမှု မြင့်မားစေပါတယ်။ ဖောလစ်အက်စစ်နဲ့ ဗီတာမင် ဘီ-၁၂ ချို့တဲ့ခြင်းဟာ သွေးအားနည်းရောဂါကို ဖြစ်စေသော်လည်း သံဓာတ်ချို့တဲ့ခြင်းကြောင့် သွေးအားနည်းရောဂါ ပိုမိုဖြစ်ပွားသည်ကိုတွေ့ရပါသည်။  သံဓာတ်ချို့တဲ့မှု သွေးအားနည်းရောဂါသည် ခန္ဓာကိုယ်တစ်ရှူးများဆီသို့ အောက်ဆီဂျင်များ သယ်ယူပို့ဆောင်ပေးသော သွေးနီဥများကို ပြုလုပ်ပေးသည့် ဟေမိုဂလိုဘင် (hemoglobin) ကို လျော့နည်းစေပါသည်။

သံဓာတ်

မိခင်ဝမ်းဗိုက်ထဲရှိရင်သွေးငယ်လေးများနှင့် ကလေးငယ်များအတွက် ဦးနှောက်ရှိဆဲလ်များ ချိတ်ဆက်လုပ်ဆောင်နိုင်ဖို့နှင့် ဦးနှောက်ဖွံ့ဖြိုးတိုးတက်ဖို့ အရေးကြီးလှပါသည်။ အကယ်လို့ ကလေးငယ်များတွင် သံဓာတ်လုံလောက်စွာ မရှိခဲ့လျှင် ကလေးငယ်များ၏ သိမြင်သင်ယူမှုပိုင်းဆိုင်ရာ စွမ်းရည်များ နိမ့်ကျပြီး ပတ်ဝန်းကျင်နှင့် ဆက်ဆံထိတွေ့ သင်ယူမှုများကို ထိခိုက်စေပါသည်။ သံဓာတ်ချို့တဲ့မှု (iron deficiency) မှာ နေ့စဉ်မှီဝဲစားသုံးနေသော အစားအစာများတွင် သံဓာတ်မပါဝင်ခြင်းကြောင့် သံဓာတ်လုံလောက်စွာမရရှိခြင်းဖြစ်ပါသည်။ ကိုယ်ဝန်ဆောင်ချိန်နှင့် နို့ချိုတိုက်ကျွေးချိန်များတွင် အစားအစာရှောင်ခြင်းသည် သံဓာတ်ကြွယ်ဝသော အသား၊ ငါး၊ အသီးအနှံနှင့် ပဲအမျိုးမျိုးမှီဝဲမှုကို အဟန့်အတားဖြစ်စေပါသည်။ အားဖြည့်ဆန်ကို စားသုံးခြင်းဖြင့် လိုအပ်သော သံဓာတ်များကို ဖြည့်တင်းနိုင်ပါသည်။  ဖောလိတ် (Folate) သည် ကြီးထွားဖွံ့ဖြိုးနေသော ကလေးငယ်၏ ခန္ဓာကိုယ်နှင့် သွေးနီဥဆဲလ်များ တည်ဆောက်မှု၊ ဆဲလ်များပုံမှန်ဖြစ်ပေါ်မှုနှင့် မိခင်၏ခန္ဓာကိုယ်ပြောင်းလဲ ဖြစ်စဉ်မှုများအတွက် လိုအပ်ပါသည်။ ကိုယ်ဝန်ဆောင်မိခင်များအနေဖြင့် ဖောလစ်အက်စစ် (Folic Acid) ကို ပုံမှန်အမျိုးသမီးများထက် (၅၀) ရာခိုင်နှုန်းခန့် ပိုမိုသုံးစွဲပေးရန် လိုအပ်ပါသည်။

ထို့ပြင် ဆဲလ်များကြီးထွားမှုနှင့် မိခင်နို့ထွက်ရန်အတွက်လည်း အရေးကြီးသော အခန်းကဏ္ဍတွင်ပါဝင်ပါသည်။ ကလေးငယ်များတွင် အစားအသောက်ပျက်ခြင်း၊ ကြီးထွားဖွံ့ဖြိုးမှု နှေးကွေးခြင်းနှင့် ရောဂါကာကွယ်ခုခံနိုင်စွမ်းအားလျော့နည်းလာခြင်းတို့သည် ဇင့်ဓာတ်ချို့တဲ့မှုနှင့် ဆက်စပ်လျက်ရှိပါသည်။  ကိုယ်ဝန်ဆောင်ချိန်တွင်လိုအပ်သော ဗီတာမင် ဘီ-၆ သည် သန္ဓေသားလောင်း၏ ဦးနှောက်နှင့် အာရုံကြောဆိုင်ရာစနစ်ဖွံ့ဖြိုးမှုအတွက် လိုအပ်သည့်အပြင် ပျို့အန်ခြင်းကိုလည်း သက်သာစေပါသည်။  ဗီတာမင် ဘီ-၃ (သို့မဟုတ်) နိုင်ယာဇင်ဓာတ်သည် အစားအစားများကို ဂလူးကို့စ် (Glucose) အဖြစ်ပြောင်းလဲပေးပြီး အားအင်ဖြစ်စေပါသည်။ ဗီတာမင် ဘီ-၃ ချို့တဲ့မှုကြောင့် အရေပြားအက်၍ ဝမ်းပျက်ဝမ်းလျှောဖြစ်ခြင်း၊ စိတ်ဓာတ်ကျခြင်းနှင့် ကြွက်သားများအားလျော့ခြင်းတို့ကို ဖြစ်စေတတ်သော Pellagra ရောဂါကို ဖြစ်စေပါသည်။  ဗီတာမင်အေသည် အရိုးနှင့်သွားများကို ခိုင်မာစေသည့်အပြင် အမြင်အာရုံအတွက်လည်း အရေးကြီးပါသည်။ ထို့ပြင် ခန္ဓာကိုယ်၏ရောဂါခုခံမှုစနစ်နှင့် သွေးနီဥများထုတ်လုပ်ခြင်းအတွက်လည်း လိုအပ်ပါသည်။ ကလေးငယ်များတွင် အမြင်အာရုံကွယ်ခြင်းကို အဓိကဖြစ်စေသော အကြောင်းအရင်းမှာ ဗီတာမင်အေ ချို့တဲ့မှုကြောင့်ဖြစ်ပါသည်။

အခြားသော အစားအစာများတွင် ရရှိနိုင်သော အရေးကြီးအဏုအာဟာရဓာတ်များကို

အားဖြည့်ဆန်တွင် ဖြည့်ထည့်ထားခြင်းဖြစ်ပါသည်။ အမျိုးသမီးများသာလျှင် မိသားစုဝင်များရဲ့ အာဟာရနှင့် ကျန်းမာရေးအပေါ်ကောင်းမွန်စွာ ပြောင်းလဲဖန်တီးပေးနိုင်ပါသည်။ ကလေးငယ်များကို ငယ်စဉ်ကပင် အားဖြည့်ဆန်ဖြင့် အစားအစာများတွဲဖက်စားသောက်စေခြင်းဖြင့် နောင်တစ်ချိန်တွင် ကျန်းမာသန်စွမ်းသော လူငယ်၊လူလတ်၊လူကြီးများ ဖြစ်လာစေပါလိမ့်မည်။

ကလေးငယ်များကို ထိန်းချုပ်ကွပ်ကဲမှုမရှိဘဲ ၎င်းတို့စိတ်တိုင်းကျ စားသောက်နေထိုင်ခိုင်းပါက ကလေးငယ်များ၏ အနာဂတ်ကျန်းမာရေး ဆုတ်ယုတ်မှုများ ဖြစ်စေနိုင်ပါသည်။ အုပ်ထိန်းသူများအနေဖြင့်လည်း ကလေးငယ်များ အစားအစာကို မှန်ကန်စွာ ရွေးချယ်စားသောက်တတ်စေရန် ကောင်းမွန်သော သာဓကများဖြင့် သင်ကြားပြသပေးရန် တာဝန်ရှိပါသဖြင့် သင်နှင့် သင့်မိသားစု ကျန်းမာရေးတိုးတက်ရန် အားဖြည့်ဆန်ကို စတင်စားသုံးခြင်းဖြင့် ရိုးရှင်းထိရောက်သောနည်းလမ်းမှ ကြီးမားသောရလာဒ်ကို ဖန်တီးနိုင်ပါလိမ့်မည်။

 

From Kalay with


Comments

0 comments
Latest video