သားသားမီးမီးလေးတွေ ဖွံ့ဖြိုးဖို့အတွက် လိုအပ်တဲ့ အိပ်ချိန်ပမာဏ

by: Nang Htwe
 0 comments  0 love

အသက်(၁)နှစ်အောက် သားသားမီးမီးလေးတွေရဲ့ အိပ်ချိန်ကတော့ ပုံသေမရှိပါဘူး။ သားသားမီးမီးလေးတွေဟာ တစ်ယောက်နဲ့တစ်ယောက် အိပ်ချိန်မတူညီကြပါဘူး။

သားသားမီးမီးလေးတွေဟာ အသက်ကြီးလာတာနဲ့ တပြိုင်နက် ဖွံ့ဖြိုးတိုးတက်မှုတွေအတွက် လိုအပ်ချက်တွေကလည်း များပြားလာပါတယ်။ ဒါ့ကြောင့် သားသားမီးမီးလေးတွေရဲ့ လိုအပ်ချက်တွေကို မေမေဖေဖေတို့က အချိန်ဇယားဆွဲပြီး ရေးမှတ်ထားနိုင်ပါတယ်။ ဒီလိုမျိုးအချိန်ဇယားဆွဲတာက အိမ်မှာမေမေဖေဖေတို့အတွက်သာမက အပြင်ထွက်ပြီး အလုပ်လုပ်နေရတဲ့ မေမေဖေဖေတို့အတွက်လည်း ပိုပြီးအထောက်အကူပြုပါတယ်။ သားသားမီးမီးလေးတွေ ဖွံ့ဖြိုးတိုးတက်ဖို့အတွက် အိပ်ရေးဝဖို့လည်းလိုအပ်ပါတယ်။

သားသားမီးမီးလေးတွေ ဖွံ့ဖြိုးတိုးတက်ဖို့အတွက် အိပ်ရေးဝဖို့လည်းလိုအပ်ပါတယ် (Photo by Love For Babies)

အိပ်ချိန်ပမာဏ

အသက်(၁)နှစ်အောက် သားသားမီးမီးလေးတွေရဲ့ အိပ်ချိန်ကတော့ ပုံသေမရှိပါဘူး။ နိုးလိုက်၊ အိပ်လိုက်ပါပဲ။ သားသားမီးမီးလေးတွေဟာ တစ်ယောက်နဲ့တစ်ယောက် အိပ်ချိန်မတူညီကြပါဘူး။ ပတ်ဝန်းကျင်ဆူညံရင်လည်း သူတို့လေးတွေ မအိပ်ကြပါဘူး။ အလင်းရောင်ဝင်ရင်လည်း မအိပ်ကြပါဘူး။ ဒါ့ကြောင့် မေမေဖေဖေတို့အနေနဲ့ သီချင်းလေးတွေဆိုပြတာ၊ နို့တိုက်ပေးတာတွေနဲ့ ပုခက်လွှဲပေးတာတွေက သူတို့လေးတွေကို နှစ်နှစ်ခြိုက်ခြိုက်အိပ်ပျော်စေပါတယ်။ သားသားမီးမီးလေးတွေ အိပ်တဲ့အနေရာကို ဆူညံသံတွေ ဝင်မလာအောင် ပြုလုပ်ပေးထားဖို့ လိုပါတယ်။ အအိပ်ဆတ်တဲ့ သားသားမီးမီးလေးတွေကိုတော့ မေမေဖေဖေတို့ ပိုပြီးသတိထားပေးဖို့လိုပါတယ်။

အသက်(၁)နှစ်အောက် သားသားမီးမီးလေးတွေရဲ့ အိပ်ချိန်ကတော့ ပုံသေမရှိပါဘူး (Photo by 4-baby-photography)

ကြာချိန်

သားသားမီးမီးလေးတွေရဲ့ အိပ်ချိန်က အနည်းဆုံး တစ်နာရီကနေ အများဆုံး နှစ်နာရီအထိ ကြာနိုင်ပါတယ်။ ဗိုက်ဆာတဲ့အချိန်မှာ နိုးလာပြီး ဗိုက်ပြည့်သွားရင်တော့ ပြန်အိပ်သွားပါတယ်။ ဒီလိုအိပ်ချိန်ပမာဏ များတာကလည်း သူတို့လေးတွေ ဖွံ့ဖြိုးဖို့အတွက် အထောက်အကူပြုပါတယ်။ သားသားမီးမီးလေးတွေက ညအချိန်မှာ တစ်ကြိမ် သို့မဟုတ် နှစ်ကြိမ်ခန့် နိုးလာနိုင်ပါတယ်။ ဒီလိုနိုးလာတဲ့အခါမှာ မေမေတို့က နို့တိုက်ပေးဖို့လိုပါတယ်။ သားသားမီးမီးလေးတွေရဲ့ အခန်းကို အလင်းရောင်အများကြီးမဝင်နိုင်အောင် သတိထားပေးပါ။ ဆူညံသံတွေကိုလည်း ကာကွယ်ပေးထားပါ။ နို့ဝဝတိုက်ပေးထားဖို့ လိုပါတယ်။ သားသားမီးမီးလေးတွေက ဆာလောင်တဲ့အခါမှာ ကောင်းကောင်းအိပ်မပျော်ကြပါဘူး။ ညအချိန်မှာ သားသားမီးမီးလေးတွေရဲ့ အသံကို သတိထားပေးဖို့လိုပါတယ်။

 မေမေဖေဖေတို့အနေနဲ့ သားသားမိးမီးလေးတွေကို အသက်အရွယ်အလိုက် ဖွံ့ဖြိုးတိုးတက်မှု ရှိမရှိ အမြဲစစ်ဆေးနေပေးဖို့ Kalay ကနေ တိုက်တွန်းလိုက်ပါတယ်။

 

 

 

 

From Kalay with

Tag: babydevelopmentsleep

Comments

0 comments
Latest video