ကလေးမွေးပြီးနောက် အလုပ်ခွင် ပြန်ဝင်ဖို့ စဉ်းစားနေသလား

by: Phyo Pyae Thu
 0 comments  0 love

ကလေးကို စောင့်ရှောက်ပေးမယ့်သူ ရှိတဲ့ မေမေတွေအတွက်တော့ အလုပ်ခွင် ပြန်ဝင်ရတာ နောက်ဆံ မတင်းရပေမယ့် လူခွဲ မရှိဘူးဆိုရင်တော့ တော်တေ်ာလေး မလွယ်ပါဘူး

ကလေးမွေးပြီးနောက်ပိုင်းမှာ အလုပ်ခွင် ပြန်ဝင်မယ် မဝင်ဘူးဆိုတာကလည်း အတော်လေးတော့ စဉ်းစားရကျပ်တဲ့ ကိစ္စပါပဲ။ အိမ်မှာ ကလေးကို စောင့်ရှောက်ပေးမယ့်သူ ရှိတဲ့ မေမေတွေအတွက်တော့ အလုပ်ခွင် ပြန်ဝင်ရတာ နောက်ဆံ မတင်းရပေမယ့် လူခွဲ မရှိတဲ့ မေမေတွေအတွက်တော့ အလုပ်ခွင် ပြန်ဝင်ဖို့ဆိုတာ တော်တော်လေး မလွယ်တဲ့ ကိစ္စတစ်ရပ်ပါပဲ။

အိမ်ထောင်ဘက် ဝင်ငွေတစ်ခုတည်းနဲ့ ခြိုးခြံချွေတာလို့ ရတယ် ဆိုရင်တော့ အလုပ် ပြန်မဝင်တာ အကောင်းဆုံးပါ။

တိုင်ပင်ပါ

ဒီတော့ ပထမဆုံး အနေနဲ့ ကိုယ်ရဲ့ အိမ်ထောင်ဘက်နဲ့ ဝင်ငွေ၊ ထွက်ငွေကိစ္စ တိုင်ပင်ပါ။ မဖြစ်မနေ မေမေ အလုပ်က ဝင်ငွေရမှ ဖြစ်မှာလားဆိုတဲ့ မေးခွန်းတွေ မေးရင် စဉ်းစားပါ။ အကယ်လို့များ အိမ်ထောင်ဘက် ဝင်ငွေတစ်ခုတည်းနဲ့ ခြိုးခြံချွေတာလို့ ရတယ် ဆိုရင်တော့ အလုပ် ပြန်မဝင်တာ အကောင်းဆုံးပါ။ ကိုယ့်ရင်သွေးလေးနား ကိုယ်ပဲ နေချင်မှာပါ။

အလုပ်ကို စွန့်လွှတ်လိုက်ရတာထက်စာရင်တော့ ကလေးထိန်းရှာတဲ့ ကိစ္စကို နည်းနည်းလေး အင်ပန်းခံပြီးတော့ ကြိုးစားကြည့်ပါ။

အလုပ်ချိန်

ဘယ်အချိန်လောက်ဆိုရင် အလုပ်ပြန်ဝင်နိုင်မလဲ တွေးပါ။ ဥပမာ သားသားမီးမီးလေး တစ်နှစ်၊ ဒါမှမဟုတ် နို့ပြတ်တဲ့အချိန် အစရှိသလို အချိန်လေး သတ်မှတ်လိုက်ပါ။ မဟုတ်ရင်တော့ မေမေတို့ အလုပ်ခွင် ပြန်ဝင်ဖို့ မသေချာဘဲ ဖြစ်နေမှာပါ။ ဒါကြောင့် အလုပ်လုပ်ချင်စိတ်ကိုတော့ အမြဲမွေးပါ။ အလုပ်လုပ်ဖို့ လိုတယ်လို့လည်း တွေးထားပါ။

အစိတ်အပိုင်း

အလုပ်လုပ်ခြင်းဆိုတာကလည်း မေမေတို့ ဘဝကို ပြည့်စုံစေခြင်းရဲ့ အစိတ်အပိုင်းတစ်ခုပါပဲ။ အလုပ်ခွင် ပြန်ဝင်မယ့် မေမေတိုင်းကတော့ လူခွဲတစ်ယောက်တော့ ထားခဲ့ရမှာပါပဲ။ သူတို့လေးတွေ မူကြိုမတက်မချင်းပေါ့။  ဆွေမျိုးသားချင်းတွေကို အကူအညီတောင်းကြည့်ပါ။ အလုပ်ကို စွန့်လွှတ်လိုက်ရတာထက်စာရင်တော့ ကလေးထိန်းရှာတဲ့ ကိစ္စကို နည်းနည်းလေး အင်ပန်းခံပြီးတော့ ကြိုးစားကြည့်ပါ။

မေမေတို့ ရုံးအချိန်ပြည့် ပြန်မတက်ခင်မှာ အချိန်ပိုင်းအလုပ်တွေလည်း ကြိုးစားကြည့်ပါ။ လုပ်ပါ။ ကလေးထိန်း ရှာတဲ့အခါမှာလည်း ကုန်ကျစရိတ်ပေါ် အရမ်း မချွေတာဖို့ အကြုံပြုပါရစနော်။ ခင်ပွန်းသည်ရဲ့ ဝင်ငွေ၊ ကလေးငယ်အတွက် ကုန်ကျစရိတ်နဲ့ ပညာရေးအပေါ်မူတည်ပြီး မေမေတို့ အလုပ်ထွက်လုပ်သင့်၊ မလုပ်သင့်ကို သေသေချာချာ စဉ်းစားဖို့ Kalay ကနေ တိုက်တွန်းလိုက်ပါတယ်။

From Kalay with

Tag: advicemoneywork

Comments

0 comments
Latest video
Refer to more useful articles
x