မေမေလောင်းတို့ မပေါ့ဆသင့်တဲ့ ကိုယ်ဝန်ဆောင်ချိန်သွေးတိုးခြင်း

by: Nang Htwe
 0 comments  0 love

အိမ်မှာ တိုင်းတာမျိုးထက် ဆရာဝန်သို့မဟုတ်သူနာပြုဆရာမတွေဆီမှာ တိုင်းပေးတာ ပိုကောင်းပါတယ်

သာမန်အချိန်တွေမှာ သွေးတိုးမရှိရင်တောင်မှ ကိုယ်ဝန်ဆောင်ချိန်မှာ သွေးတိုးလာနိုင်ပါတယ်။ ကိုယ်ဝန်ဆောင်ချိန်မှာ သွေးဖိအားကျဆင်းတာက မေမေလောင်းတို့ကော သန္ဓေသားလေးအတွက်ပါ အန္တရာယ်တွေ ရှိစေပါတယ်။

ကိုယ်ဝန်ဆောင်ချိန်မှာ သွေးဖိအားတိုင်းတာပေးတာက မဖြစ်မနေလုပ်ပေးရမယ့် ကျန်းမာရေးစစ်ဆေးတစ်ခုပါ (Photo by motherhow)

သွေးဖိအား

ကိုယ်ဝန်ဆောင်ချိန်မှာ သွေးဖိအားတိုင်းတာပေးတာက မဖြစ်မနေလုပ်ပေးရမယ့် ကျန်းမာရေးစစ်ဆေးခြင်းတစ်ခုပါ။ သွေးဖိအားတိုင်းတဲ့အခါမှာ ၁၂၀/၈၀ ဆိုရင်တော့ ပုံမှန်လို့သတ်မှတ်ပြီး ၁၄၀ထက်ကျော်လွန်နေတယ်ဆိုရင်တော့ သွေးတိုးရောဂါခံစားနေရတယ်လို့ ဆရာဝန်တွေက သတ်မှတ်ကြပါတယ်။ သွေးတိုးတာက မေမေလောင်းတို့အတွက် မကောင်းတဲ့ လက္ခဏာတစ်ခုပါ။ သွေးတိုးတဲ့အခါမှာ သွေးကြောနံရံတွေကျဉ်းသွားပြီး သွေးကြောအတွင်းမှာ ဖိအားတွေ တိုးလာပါတယ်။ သွေးတိုးရောဂါက သန္ဓေသားဆီပေးပို့နေတဲ့ အောက်စီဂျင်နဲ့ အာဟာရပေးဝေတာတွေကို အနှောက်အယှက်ဖြစ်စေပါတယ်။ ဒါကြောင့် ကိုယ်ဝန်ဆောင်ချိန်မှာ တွေးတိုးတာက အန္တရာယ်ရှိစေတာပါ။

သွေးတိုးရောဂါ လက္ခဏာများ

သွေးဖိအားကျတာနဲ့အတူ

  • ခေါင်းကိုက်ခြင်း
  • မူးဝေခြင်း
  • နားထဲမှာ ဆူညံခြင်း
  • မျက်စိအပေါ်မှာ ဖိအားတခုခုသက်ရောက်နေခြင်း
  • အားနည်းခြင်း
  • ပျို့အန်ခြင်း
  • မျက်နှာနဲ့ ရင်ဘတ်တဝိုက်မှာ အနီပြောက်များထွက်ခြင်းနဲ့
  • ရုတ်တရက်မျက်လုံးမှာ အလင်းတန်းဝင်ခြင်း တို့ကို ကြုံတွေ့ရနိုင်ပါတယ်။

ကိုယ်ဝန်ဆောင်ချိန်မှာ တွေးတိုးတာက အန္တရာယ်ရှိစေတာပါ (Photo by motherhow)

ကိုယ်ဝန်ဆောင်ချိန်မှာ သွေးတိုးရောဂါမဖြစ်အောင် ဘယ်လိုကာကွယ်ကြမလဲ

  • တစ်ရက်အိပ်ချိန် (၈)နာရီ သို့မဟုတ် (၉)နာရီခန့် အိပ်ဖို့လိုပါတယ်။ နေ့လည်ခင်းတွေမှာလည်း (၁)နာရီ သို့မဟုတ် (၂)နာရီခန့် တရေးတမော အိပ်ပေးလို့ရပါတယ်။
  • ကိုယ်ဝန်ဆောင်ချိန်မှာ အလုပ်အလွန်အကျွံလုပ်ခြင်းကိုရှောင်ရှားပေးပါ။ စိတ်ပိုင်းဆိုင်ရာနဲ့ ရုပ်ပိုင်းဆိုင်ရာတွေမှာ ဖိအားတွေမများအောင်နေထိုင်ပါ။
  • မေမေလောင်းတို့အနေနဲ့ ကိုယ်ဝန်ဆောင်ချိန်မှာ ကိုယ်လက်လှုပ်ရှားမှု လေ့ကျင့်ခန်းတွေပြုလုပ်ပေးပါ။ လေ့ကျင့်ခန်းပြုလုပ်တာက သွေးတိုးရောဂါမဖြစ်အောင် ကာကွယ်ပေးပါတယ်။
  • ကိုယ်ဝန်ဆောင်ချိန်မှာ လက်ဖက်ရည်၊ ကော်ဖီနဲ့ အရက်သောက်ခြင်းတို့ကို ရှောင်ရှားပေးပါ။ ငံလွန်းတဲ့ အစားအစာ၊ စပ်တဲ့အစားအစာနဲ့ ဆီနဲ့ကြော်ထားတဲ့ အစားအစာတွေကို အလွန်အကျွံစားသုံးခြင်းရှောင်ရှားပါ။
  • ကိုယ်အလေးချိန်ကို ထိန်းသိမ်းပါ။

ကိုယ်ဝန်ဆောင်ချိန်မှာ သွေးတိုးတာက သန္ဓေသားနဲ့ မေမေလောင်းတို့ကို အန္တရာယ်ရှိစေတာကြောင့် ကျန်းမာရေးနဲ့အညီနေထိုင်ပေးဖို့ Kalay ကနေ တိုက်တွန်းလိုက်ပါတယ်။

From Kalay with


Comments

0 comments
Latest video
Refer to more useful articles
x