ကိုယ်ဝန်ဆောင်ချိန်တွင်း ဖျားနာတာနဲ့ပတ်သက်တဲ့ မေးခွန်းအဖြေများ

by: Nang Htwe
 0 comments  0 love

ကိုယ်ဝန်ဆောင်ချိန် မေမေလောင်းတို့ ဖျားတဲ့အခါ ဆရာဝန်နဲ့ အရင်ဆုံး ပြသဖို့လိုအပ်ပါတယ်။ ဆရာဝန်ညွှန်ကြားတဲ့အတိုင်း တိတိကျကျ လိုက်နာနေထိုင်သင့်ပါတယ်

ကိုယ်ဝန်ဆောင်ချိန်တွင်းမှာ ဖျားနာတာနဲ့ ပတ်သက်ပြီး ဗိုက်ဗိုက်လေးတွေအနေနဲ့ မေးစရာမေးခွန်းတွေ အများကြီးရှိနေမှာပါ။ ဒီတစ်ပတ်မှာတော့ Kalay ကနေ ကိုယ်ဝန်ဆောင်ချိန်တွင်း ဖျားနာတဲ့ပတ်သက်တဲ့ မေးခွန်းအချို့ကို ပြောပြပေးသွားမှာပါ။

Image result for Fever during Pregnancy – Causes, Symptoms & Treatment

ကိုယ်ဝန်ဆောင်ချိန် မေမေလောင်းတို့ ဖျားတဲ့အခါ ဆရာဝန်နဲ့ အရင်ဆုံး ပြသဖို့လိုအပ်ပါတယ် (Photo by NBC News)

ဖျားနာတာနဲ့ပတ်သက်တဲ့ မေးခွန်းအဖြေများ

အမေးး ကိုယ်ဝန်ဆောင်ချိန် ဖျားတဲ့အခါ ကုသမှု ခံယူဖို့ အဆင်ပြေရဲ့လား။

အဖြေ : ကိုယ်ဝန်ဆောင်ချိန် မေမေလောင်းတို့ ဖျားတဲ့အခါ ဆရာဝန်နဲ့ အရင်ဆုံး ပြသဖို့လိုအပ်ပါတယ်။ ဆရာဝန်ညွှန်ကြားတဲ့အတိုင်း တိတိကျကျ လိုက်နာနေထိုင်သင့်ပါတယ်။ ဆရာဝန်ညွှန်ကြားချက်မပါဘဲ ဆေးဝါးတွေကို ကိုယ့်ဘာသာကိုယ် သောက်တာမျိုး လုံးဝမပြုလုပ်ရပါ။

အမေး : ကိုယ်ဝန်ဆောင်ချိန်တွင်းမှာ ဖျားတာက အန္တရာယ်ရှိလာနိုင်လား။

အဖြေ : ကိုယ်ဝန်ဆောင်ချိန်မှာ ဗိုက်ဗိုက်လေးတို့ ဖျားတာက ဗိုက်ထဲက သန္ဓေသားလေးကို ထိခိုက်စေလာနိုင်ပါတယ်။ ဒါပေမယ့်လည်း တချို့မေမေလောင်းတွေမှာတော့ ဗိုက်ဗိုက်တို့ကိုယ်တိုင်က ဖျားနေပေမယ့်လည်း သန္ဓေသားလေးက ကျန်းမာနေတာကို တွေ့ရပါတယ်။

အမေး : ကိုယ်ဝန်ဆောင်ချိန်မှာ သွေးလွန်တုပ်ကွေးဖြစ်ရင် နောက်ဆက်တွဲ ဘာတွေကြုံရလာနိုင်လဲ။

အဖြေ : အထူးသဖြင့် ကိုယ်ဝန်ဆောင်ချိန်မှာ သွေးလွန်တုပ်ကွေးဖြစ်တယ်ဆိုရင် နောက်ဆက်တွဲ ရင်ဆိုင်ရတာတွေရှိပါတယ်။ သွေးလွန်တုပ်ကွေးဟာဆိုရင် ဗိုက်ဗိုက်တို့ရဲ့ ခန္ဓာကိုယ်ထဲက သွေးဥမွှားအရေအတွက်ပေါ် သက်ရောက်မှု ရှိစေပါတယ်။ ဆရာဝန်ရဲ့ အကြံပေးချက်တွေကို လိုက်နာဖို့ လိုအပ်ပါတယ်။

တချို့မေမေလောင်းတွေမှာတော့ ဗိုက်ဗိုက်တို့ကိုယ်တိုင်က ဖျားနေပေမယ့်လည်း သန္ဓေသားလေးက ကျန်းမာနေတာကို တွေ့ရပါတယ် (Photo by medicalnewstoday.com)

အမေး : အကျိတ်ထွက်ဖျားနာက ဘယ်လိုအန္တရာယ်တွေ ရှိနိုင်လဲ။

အဖြေ : သာမန်တုပ်ကွေးအမျိုးအစားဖြစ်ပြီး ဗိုက်ထဲက သန္ဓေသားလေးအပေါ် သက်ရောက်မှု မရှိပါဘူး။ ဆရာဝန်နဲ့ ပြသပါ။ တိတိကျကျ လိုက်နာပြီး အနားယူပါ။

အမေး : ကိုယ်ဝန်ပထမသုံးလမှာ ဖျားနိုင်လား။

အဖြေ : ကိုယ်ဝန်ပထမသုံးလမှာ ယေဘုယျအားဖြင့်တော့ ဖျားနိုင်ခြေရှိပါတယ်။ ကိုယ်ခံစွမ်းအား အားနည်းတာကြောင့် ဖျားတာပါ။ ဆရာဝန်ထံပြသပါ။

နောက်အပတ်မှာလည်း ကိုယ်ဝန်ဆောင်နဲ့ ပတ်သက်တဲ့ အမေးအဖြေတွေကို ဆက်ပြီး ဆက်ပြီးဖော်ပြပေးသွားပါမယ်။

Kalay.com.mm မှ ရေးသားဖော်ပြနေသော ဆောင်းပါးများကို စီးပွားဖြစ်လုပ်ကိုင်နေသော မည်သည့် Website နှင့် Social Media များမှ Facebook Page များအတွက် ပြန်လည်ကူးယူခြင်း၊ ဆင်တူယိုးမှား ဖော်ပြခြင်းများ မပြုပါရန် လေးစားစွာ အသိပေးအပ်ပါသည်။
From Kalay with

Tag: FeverpregnancyQ&A

Comments

0 comments
Latest video
Refer to more useful articles
x