ကလေးနို့တိုက်နေတဲ့မေမေတွေ ကော်ဖီသောက်သင့်လား

by: Nang Htwe
 0 comments  0 love

ကိုယ်ဝန်ဆောင်ချိန်တုန်းက ကော်ဖီသောက်သုံးတာ ပြဿနာအနည်းငယ် ရှိပေမယ့်လည်း နို့တိုက်ချိန်မှာတော့ ကော်ဖီကို စိတ်ချလက်ချ သောက်လို့ရပါတယ်။

ကော်ဖီကြိုက်တဲ့မေမေတွေအတွက်တော့ ကော်ဖီမသောက်ရတာဟာ အလွန်နေရခက်စေပါတယ်။ ကိုယ်ဝန်ဆောင်ချိန်တုန်းကလည်း သန္ဓေသားကို ထိခိုက်မှာစိုးတာကြောင့် ရှောင်ရှားခဲ့ပါတယ်။ နို့တိုက်ချိန်မှာလည်း ကော်ဖီပြန်သောက်သင့်၊ မသောက်သင့်က မေမေတို့ကို ဒွိဟဖြစ်စေပါတယ်။ ဖော်မြူလာနို့မှုန့် တိုက်တဲ့မေမေတွေမှာတော့ ကော်ဖီသောက်တာ ပြဿနာမရှိပေမယ့် မိခင်နုိ့တိုက်ကျွေးရတဲ့ မေမေတွေမှာတော့ ကော်ဖီပြန်သောက်ဖို့က အခက်အခဲကြီးတစ်ခု ဖြစ်နေပါတယ်။

နို့တိုက်ချိန်မှာတော့ ကော်ဖီကို စိတ်ချလက်ချ သောက်လို့ရပါတယ် (Photo by FirstCry Parenting)

ကော်ဖီသောက်ခြင်းနဲ့ နို့တိုက်မိခင်

ကိုယ်ဝန်ဆောင်ချိန်တုန်းက ကော်ဖီသောက်သုံးတာ ပြဿနာအနည်းငယ် ရှိပေမယ့်လည်း နို့တိုက်ချိန်မှာတော့ ကော်ဖီကို စိတ်ချလက်ချ သောက်လို့ရပါတယ်။ ဒါက ကော်ဖီကြိုက်တဲ့ နို့တိုက်မေမေတွေအတွက် သတင်းကောင်းလေးတစ်ခု ဖြစ်မှာပါ။ တန်ဆေးလွန်ဘေး ဆိုတဲ့အတိုင်းပဲ အစွန်းမရောက်အောင် သောက်ဖို့တော့ လိုတယ်နော်။ နို့တိုက်မေမေတွေအနေနဲ့ တစ်ရက်ကို ကော်ဖီ(၃)ခွက်ထက် ပိုမသောက်သင့်ပါဘူး။ တစ်ရက်ကို (၅)ခွက်အထက် သောက်မယ်ဆိုရင်တော့ အန္တရာယ်တွေ ရှိလာနိုင်ပါတယ်။

ကဖင်းဓါတ် ပမာဏ

အတိအကျတွက်မယ်ဆိုရင်တော့ တစ်ရက်ကို ကဖင်းဓါတ်(၃၀၀)မီလီဂရမ်ထက် မပိုသင့်ပါဘူး။ နို့တိုက်မေမေတွေအနေနဲ့ တစ်ရက်ကို ကော်ဖီ(၁)ခွက်လောက်သာ သောက်မယ်ဆိုရင်တော့ အန္တရာယ်လည်းကင်းသလို ပြဿနာလည်း မရှိပါဘူး။ ကဖင်းဓာတ်များတဲ့ ကော်ဖီပြင်းပြင်းတွေအစား နို့ပါဝင်နှုန်းများတဲ့ espresso ဒါမှမဟုတ်  lattes အမျိုးအစားကို ရွေးချယ်သင့်ပါတယ်။

ကဖင်းဓာတ်များတဲ့ ကော်ဖီပြင်းပြင်းတွေအစား နို့ပါဝင်နှုန်းများတဲ့ espresso ဒါမှမဟုတ်  lattes အမျိုးအစားကို ရွေးချယ်သင့်ပါတယ် (Photo by Daily Mail)

သွေးကြောမှ ရင်သားဆီသို့

ကဖင်းဓါတ်တွေဟာ မေမေတို့ရဲ့ သွေးကြောတွေထဲကနေ ခန္ဓာကိုယ်ထဲ ပျံနှံ့သွားတဲ့အခါ ရင်သားဆီကိုလည်း အနည်းငယ်ရောက်လာပါတယ်။ ပမာဏသေးသေးလေး (တစ်ရာခိုင်နှုန်းအောက်ခန့်)သာ ရောက်ရှိတာပါ။ တစ်ရက်ပြီးတစ်ရက် ကော်ဖီတွေ အများကြီးသောက်လိုက်တဲ့အခါ မေမေတို့ရဲ့ ခန္ဓာကိုယ်မှာ ကဖင်းဓာတ်တွေ စုပုံလာပြီး အလွယ်တကူဖယ်ရှားဖို့ ခက်ခဲလာပါတယ်။ တစ်နည်းအားဖြင့် ပြောရရင် ပိုလျှံလာတော့တာပေါ့။ တစ်ရက်ကို ကဖင်းဓာတ်(၃၀၀)မီလီဂရမ်ထက်ပိုလာခဲ့ရင် ကလေးငယ်ရဲ့ အပြုအမူပြောင်းလဲခြင်းကို ထိခိုက်လာစေပါတယ်။ မေမေတို့အတွက်လည်း စိတ်တိုတာတွေ၊ အိပ်မပျော်တာတွေ၊ တုန်ယင်လာတာနဲ့ စိတ်ခံစားချက် မငြိမ်တာတွေ ကြုံတွေ့ရပါတယ်။ ဒါကြောင့် တစ်ရက်ကို ကော်ဖီ(၃)ခွက်ထက် ပိုမသောက်ဖို့ သတ်မှတ်ထားတာပါ။

ကော်ဖီနဲ့ အပြောင်းအလဲများ

ကလေးငယ်ရဲ့ အပြုအမူတွေ ပြောင်းလဲလာခဲ့ရင် မေမေတို့အနေနဲ့ ဘာကြောင့် ပြောင်းလဲတယ်ဆိုတာ စုံစမ်းဖို့လိုပါတယ်။ ကော်ဖီသောက်တာကို ရပ်ဖို့ လိုအပ်ပါတယ်။ ကော်ဖီကြောင့်လား၊ တခြားကြောင့်လား ဆိုတာ ရှင်းရှင်းလင်းလင်းသိနေဖို့အတွက်ပါ။ နို့တိုက်မေမေတွေအနေနဲ့ ကော်ဖီသောက်ပြီးတဲ့အခါ ကလေးငယ်ကို နို့တိုက်ရင် ဘာတွေ သက်ရောက်မှုရှိတယ်ဆိုတာ စောင့်ကြည့်ပေးရပါမယ်။ မေမေတို့ကော်ဖီနှစ်နှစ်ခြိုက်ခြိုက်သောက်တယ်ဆိုရင် ကလေးငယ်ကလည်း အရွယ်ရောက်လာတဲ့အခါ ကော်ဖီကြိုက်နှစ်သက်တာကို တွေ့ရပါတယ်။

 မေမေတို့ကော်ဖီသောက်တာက ကလေးငယ်တွေအပေါ် ဘာမှသက်ရောက်မှု မရှိဘူးဆိုရင် စိတ်ချလက်ချ သောက်သုံးလို့ရကြောင်း Kalay ကနေ တိုက်တွန်းလိုက်ပါတယ်။

From Kalay with


Comments

0 comments
Latest video