မွေးကင်းစကလေးငယ်တစ်ဦးရဲ့ ပျှမ်းမျှကုန်ကျစရိတ်များ

by: Nang Htwe
 0 comments  0 love

ကလေးငယ်ကို ဂရုစိုက်စောင့်ရှောက်ဖို့ဆိုတာ ဒီအတိုင်းမရပါဘူးနော်။ လိုအပ်တဲ့ အကူပစ္စည်းတွေကို ဝယ်ယူရပါတယ်။ မေမေတို့အနေနဲ့ ပိုက်ဆံအတိုင်းအတာကို ခန့်မှန်းရပါမယ်။

မေမေတို့ရဲ့ နေ့စဉ်အသုံးပြုတဲ့ ဘတ်ဂျက်တွေထဲမှာ ကလေးငယ်အတွက် သုံးဖို့ကိုလည်း ထည့်သွင်းထားသင့်ပါတယ်။ ဘာကြောင့် သူတို့လေးတွေအတွက် ဘတ်ဂျက်တစ်ခု သီးသန့်ခွဲထားသင့်တာလဲ။ ကလေးငယ်အတွက် လိုအပ်တဲ့ အသုံးအဆောင်ပစ္စည်းတွေ ဝယ်ယူနေရလို့ပါ။ ကလေးငယ်အတွက် လိုအပ်တဲ့ အသုံးအဆောင်ပစ္စည်းတွေ ဝယ်ယူတဲ့အခါ အရည်အသွေးကောင်းတာကို ရွေးချယ်ရပါတယ်။ ဒီလို အရည်အသွေးကောင်းတာကို ရွေးချယ်မှသာ ကလေးငယ်ရဲ့ ကျန်းမာရေးကို မထိခိုက်စေမှာပါ။ အရည်အသွေးကောင်းတဲ့ ပစ္စည်းတွေက မေမေတို့သိထားတဲ့အတိုင်းပါပဲ ဈေးနှုန်းမြင့်မားပါတယ်နော်။

မေမေတို့ရဲ့ နေ့စဉ်အသုံးပြုတဲ့ ဘတ်ဂျက်တွေထဲမှာ ကလေးငယ်အတွက် သုံးဖို့ကိုလည်း ထည့်သွင်းထားသင့်ပါတယ် (Photo by Agnotis Blog)

ကလေးပစ္စည်းများ

ပထမဆုံး မေမေတို့အိမ်မှာ ကလေးငယ်တစ်ဦး မကြာခင် ရောက်လာတော့မယ်ဆိုရင် သူတို့လေးတွေနဲ့ ပတ်သတ်တဲ့ အသုံးအဆောင်ပစ္စည်းတွေ စတင်ဝယ်ယူရတော့မှာပါ။ ပုခက်၊ တွန်းလှည်း၊ ကုတင် အစရှိတဲ့ အသုံးအဆောင်ပစ္စည်းတွေ အရင်ဝယ်ယူရမယ်လေ။ အသစ်ဝယ်ယူရမလား။ Second ပြန်ဝယ်မလားဆိုတာကတော့ မေမေတို့ စဉ်းစားရမှာပါ။ ဘယ်လိုစဉ်းစားကြမလဲ။ မေမေတို့ရဲ့ ဘတ်ဂျက် ဒါမှမဟုတ် ဝင်ငွေပေါ်မှာ မူတည်ပြီးစဉ်းစားရမှာပါနော်။ သောင်းဂဏန်းကနေ သိန်းဂဏန်းကျော်ထိ အရည်အသွေးပေါ် မူတည်ပြီး ကုန်ကျနိုင်ပါတယ်။

ဒိုက်ပါ

ဒိုက်ပါကတော့ ကလေးငယ်တွေ နေ့စဉ်သုံးနေတဲ့ ပစ္စည်းတစ်ခုပါ။ ဒီလို နေ့စဉ်အသုံးပြုနေရတဲ့ ပစ္စည်းတွေ ရှိနေနိုင်တာကြောင့် ကလေးငယ်အတွက် အသုံးပြုမယ့် ဘတ်ဂျက်ကို သီးသန့်ခွဲထားပေးပါ။ နေ့စဉ် ဒိုက်ပါကုန်ကျစရိတ် ထောင်ဂဏန်းကနေ သောင်းဂဏန်းအထိရှိလာနိုင်ပါတယ်။

ဖော်မြူလာနို့မှုန့်

အကြောင်းအမျိုးမျိုးကြောင့် မိခင်နို့တိုက်ကျွေးခွင့်မရဘူးဆိုရင် ဖော်မြူလာနို့မှုန့် တိုက်ကျွေးရတော့မယ်လေ။ အရည်အသွေးကောင်းပြီး ကျန်းမာရေးထောက်ခံမှု အပြည့်အဝရတဲ့ ဖော်မြူလာနို့မှုန့်ကို ရွေးချယ်ပေးပါ။  ဖော်မြူလာနို့မှုန့်ဖိုးအနေနဲ့ တစ်လကို ပျှမ်းမျှ သောင်းဂဏန်းကနေ သိန်းဂဏန်းပတ်ဝန်းကျင် ကုန်ကျနိုင်ပါတယ်။

အဝတ်အစား

အဝတ်အစား၊ အင်္ကျီ၊ ဘောင်းဘီနဲ့ အနှီးတွေကိုလည်း အသက်အရွယ်လိုက် ဝယ်ပေးရဦးမယ်လေ။ ဒီပစ္စည်းတွေက တစ်ခုထဲနဲ့ မပြီးပါဘူးနော်။ အရေအတွက် များများဝယ်ယူရပါတယ်။ ဒီအတွက် ကုန်ကျစရိတ်ကလည်းများပါတယ်။ အရည်အသွေးကောင်းရင် ကောင်းသလောက် ကုန်ကျစရိတ်ကလည်း တက်လာပါတယ်။ အဝတ်အစားတွေကို ဒီအတိုင်းဝယ်ရုံနဲ့ မပြီးသေးဘူးလေ။ ကလေးငယ် အဝတ်အစားဝတ်ပြီးတဲ့အခါ လျှော်ဖို့ ဆပ်ပြာ၊ မီးပူ၊ ဗီရို ဒါမှမဟုတ် အဝတ်ထည့်ပုံး၊ အင်္ကျီချိတ် အစရှိတဲ့ ပစ္စည်းတွေကိုလည်း ဝယ်ယူပေးရဦးမှာပါ။ လူကြီးတွေမှာသုံးတဲ့ ပစ္စည်းတွေကို ကလေးငယ်ပစ္စည်းတွေ ရောသုံးလို့မရပါဘူးနော်။ သီးခြားဝယ်ပေးရမှာပါ။

အရည်အသွေးကောင်းရင်ကောင်းသလို ဈေးနှုန်းလည်း ကွာခြားနိုင်ပါတယ် (Photo by Amando.it)

Skin Care

ကလေးငယ်ရဲ့ အသားအရေကိုလည်း ဂရုစိုက်ရပါမယ်။ ကိုယ်တိုက်ဆပ်ပြာခဲ၊ ဆပ်ပြာရည်၊ ခေါင်းလျှော်ရည်၊ lotion၊ baby oil၊ ပေါင်ဒါမှုန့် အစရှိတဲ့ ပစ္စည်းတွေကို မဖြစ်မနေ ဝယ်ယူရပါတယ်။ အရည်အသွေးကောင်းရင်ကောင်းသလို ဈေးနှုန်းလည်း ကွာခြားသွားပါတယ်နော်။ ထောင်ဂဏန်းကနေ သောင်းဂဏန်းအထိ ကုန်ကျနိုင်ပါတယ်။

အကူ

မေမေတို့ လုပ်ငန်းခွင် ပြန်ဝင်တော့မယ်ဆိုရင် ကလေးငယ်ကို ဂရုစိုက်စောင့်ရှောက်မယ့်သူနဲ့ ထားခဲ့ဖို့လိုပါပြီ။  သူနာပြုနဲ့ ကလေးငယ်ကို အပ်ထားမယ်ဆိုရင် သူနာပြုအတွက် လစာ သီးသန့်ထပ်မံကုန်ကျပါမယ်။ မိခင်နို့ထည့်မယ့် နို့ဘူး၊ နို့ညှစ်စက်၊ ရေခဲသေတ္တာ၊ နို့ပေါင်းစက် အစရှိတဲ့ ပစ္စည်းတွေကို ထမ်မံဝယ်ယူရပါမယ်။ ဒီပစ္စည်းတွေကလည်း အရည်အသွေးပေါ် မူတည်ပြီး ဈေးနှုန်းအမျိုးမျိုးရှိလာနိုင်ပါတယ်။ သောင်းဂဏန်းကနေ သိန်းဂဏန်းအထိ ကုန်ကျနိုင်ပါတယ်။

နောက်ထပ် ဘာတွေ ထပ်ကုန်မလဲ

ကလေးငယ်နဲ့ အတူတူ အပြင်ထွက်မယ်ဆိုရင် လိုအပ်လာတဲ့ ကျောပိုး၊ ခြင်း၊ ပုဝါ၊ ချိုလိမ်၊ ဦးထုတ် အစရှိတဲ့ ပစ္စည်းတွေ ထပ်မံဝယ်ယူရပါမယ်။ အသက်အရွယ်အလိုက် လိုအပ်တဲ့ အရုပ်လေးတွေကိုလည်း ဝယ်ယူရပါမယ်။ ကုန်ကျစရိတ်ကတော့ ထောင်ဂဏန်းကနေ သောင်းဂဏန်းဝန်းကျင် ကုန်ကျနိုင်ပါတယ်။

မေမေတို့ရေ ဒီလောက်ဆိုရင် ကလေးငယ်အတွက် ဘယ်လောက်ကုန်ကျနိုင်မယ်ဆိုတာ ခန့်မှန်းမိလောက်ပါပြီ။ ဒါကြောင့် မေမေ၊ဖေဖေတို့အနေနဲ့ မိသားစုဝင်ငွေပေါ်မှာ မူတည်ပြီး ဘယ်လောက်ထိ အသုံးပြုနိုင်တယ်ဆိုတာ တွက်ချက်ထားဖို့ Kalay ကနေ တိုက်တွန်းလိုက်ပါတယ်။

 

 

 

 

 

 

 

 

 

From Kalay with

Tag: budgetNew Baby

Comments

0 comments
Latest video