ဝမ်းပျက်ဝမ်းလျှောရောဂါဖြစ်စေတဲ့ Rotavirus အတွက်ကာကွယ်ဆေးရှိလား ?

by: TharThar MayMay
 0 comments  3 love

ပြီးခဲ့တဲ့တစ်ခေါက်က အခုအချိန်က ကလေးတွေမှာ ၀မ်းပျက်ဝမ်းလျှောအဖြစ်များတဲ့ရာသီ၊ တစ်ကမ္ဘာလုံးမှာလည်းဖြစ်နေတာက ဒုတိယနေရာလိုက်နေတဲ့ရောဂါဆိုတဲ့အကြောင်းလေး တင်ပေးပြီးတဲ့နောက်မှာ မေမေတို့မေးလာတာက ဒီရောဂါအတွက်ကာကွယ်ဆေးရှိလား ? ကာကွယ်ဆေးဇယားထဲမှာတော့ မပါလို့ပါဆိုတဲ့ မေးခွန်းလေးတွေပါ။

ဝမ်းရောဂါအများဆုံးဖြစ်တာစေကတော့ Rotavirus ကြောင့်ပါ။ သူက ကာကွယ်ဆေးရှိပါတယ်။ ထိုးရတာမဟုတ်ပါဘူး။ ပါးစပ်ကနေတိုက်ရတာပါ။ စာရွက်ထဲမှာတော့ မပါပါဘူး။ သားသားတုန်းက သူရဲ့ဆရာမကို စာရွက်ထဲက ကာကွယ်ဆေးတွေအပြင် ထပ်ဆောင်းတိုက်ရမယ့်ဆေးတွေပါ မေးထားလိုက်တာပါ။ Rotavirus ကာကွယ်ဆေးနှစ်မျိုးရှိပါတယ်။ ကလေးအသက် နှစ်လလောက်မှာ တခါတိုက်ရပြီး လေးလမှာတစ်ခါ ထပ်တိုက်ရပါတယ်။ ဒါကတော့ Rotarix®  အမျိုးအစား ကာကွယ်ဆေးအတွက်ပါ။ RotaTeq® ဆိုရင်တော့ နှစ်လ၊လေးလ၊ခြောက်လ ဆိုပြီး သုံးကြိမ်တိုက်ရပါတယ်။

ဒါပေမယ့် ၀မ်းရောဂါက ကာကွယ်ဆေးတိုက်ပြီးတိုင်းလည်း မဖြစ်ဘူးလို့ပြောလို့မရပါဘူး။ ဘာလို့လဲဆိုတော့ ၀မ်းရောဂါဖြစ်စေတဲ့ virus က အများကြီးရှိလို့ပါ။ ဒီထဲမှာမှ အဖြစ်များပြီး ကူးစက်မှုမြန်တဲ့ Rotavirus ကို ထပ်ဆောင်းအနေနဲ့ ကာကွယ်ဆေးတိုက်ကျွေးရတာပါ။

အဓိကကျတဲ့ အထိရောက်ဆုံးကြိုတင်ကာကွယ်မှုကတော့ သန့်ရှင်းရေးပါ။ ဒီပိုးက ပါးစပ်ကနေ၀င်လာတာမို့ ကလေးတွေရဲ့ပါးစပ်ထဲဝင်မယ့်အရာမှန်သမျှကို ဂရုတစိုက်နဲ့ သန့်ရှင်းစေဖို့က အရေးကြီးပါတယ်။

2019 ခုနှစ်မှာ တစ်နိုင်ငံလုံးအတိုင်းအတာအနေနဲ့ တစ်နှစ်အောက်ကလေးတိုင်းကို ၀မ်းပျက်ဝမ်းလျှောရောဂါကာကွယ်ဆေး အခမဲ့တိုက်ကျွေးဖို့စီစဉ်နေတယ်လို့ ရန်ကင်းကလေးဆေးရုံကနေလည်း သိရပါတယ်။ ၀မ်းသာစရာပါ။

ဝမ်းပျက်ဝမ်းလျှောရောဂါဆိုတာ ကူးစက်ရောဂါတစ်မျိုးဖြစ်ပြီး အချိန်မီမကုသနိုင်ရင် ၀မ်းထဲမှာရှိတဲ့ ရေဓာတ်ခန်းခြောက်ပြီး အသက်သေဆုံးနိုင်ပါတယ်။ အဲ့တာကြောင့် ကလေးတွေရော လူကြီးတွေပါ တစ်မိသားစုလုံး သန့်သန့်ရှင်းရှင်းနဲ့ ကြိုတင်ကာကွယ်ရင်း ဒီရောဂါကို အနိုင်ယူလိုက်ကြရအောင်နော်။




Comments

0 comments
Read more useful blogs